កម្មករ​រោងចក្រ​កាត់​ដេរ ហាណាវ័ន (Hana1 Cambodia) តវ៉ា​ជា​ថ្មី​ទៀត ដោយសារ​​ថៅកែ​រោង​ចក្រ​​មិន​បាន​ចេញ​មក​ដោះ​ស្រាយ

ដោយ វ៉ែន សុមេធ
2020-06-29
អ៊ីម៉ែល
មតិ
Share
បោះពុម្ព
កម្មករ​រោងចក្រ​កាត់​ដេរ ហាណាវ័ន (Hana1 Cambodia) ប្រមូល​ផ្ដុំ​គ្នា​តវ៉ា​ជា​ថ្មី​ទៀត ថ្ងៃ​ទី២៩ ខែ​មិថុនា ឆ្នាំ២០២០ ពេល​ថៅកែ​រោង​ចក្រ​មិន​មក​ដោះ​ស្រាយ​តាម​ការ​សន្យា។
កម្មករ​រោងចក្រ​កាត់​ដេរ ហាណាវ័ន (Hana1 Cambodia) ប្រមូល​ផ្ដុំ​គ្នា​តវ៉ា​ជា​ថ្មី​ទៀត ថ្ងៃ​ទី២៩ ខែ​មិថុនា ឆ្នាំ២០២០ ពេល​ថៅកែ​រោង​ចក្រ​មិន​មក​ដោះ​ស្រាយ​តាម​ការ​សន្យា។
រូប៖ កម្មករ

កម្មករ​រោងចក្រ​កាត់​ដេរ ហាណាវ័ន (Hana1 Cambodia) បាន​ផ្ទុះ​ការ​តវ៉ា​ជា​ថ្មី​ទៀត កាល​ពី​ថ្ងៃ​ទី២៩​ ខែ​មិថុនា បន្ទាប់​ពី​ថៅកែ​រោង​ចក្រ ខកខាន​មិន​ព្រម​ចេញ​មក​ដោះ​ស្រាយ​ជូន​កម្មករ​តាម​កាលកំណត់ ដែល​បាន​ព្រមព្រៀង​គ្នា​កាល​ពី​ថ្ងៃ​ទី២៦ ខែ​មិថុនា គឺ​ភាគី​រោងចក្រ បាន​ឯកភាពគ្នា​យល់​ព្រម​ដោះ​ស្រាយ​ឲ្យ​កម្មករ​ចំនូន ៥ចំណុច។

កម្មករ​ម្នាក់​ដែល​ធ្វើ​ការ​ផ្នែក​ឃ្លាំង ប្រាប់​អាស៊ី​សេរី​កាល​ពី​សប្ដាហ៍​មុន​ថា ថៅកែ​ជា​ជន​ជាតិ​កូរ៉េ​បាន​យល់​ព្រម​ដោះ​ស្រាយ​ទៅ​តាម​ការ​ទាមទារ​របស់​កម្មករ​ចំនួន ៥ចំណុច មាន​ដូច​ជា​ទូទាត់​បើក​ប្រាក់​ខែ​ចុង​ក្រោយ ប្រាក់​អតីតភាព​ការងារ និង​ប្រាក់​បំណាច់​ឆ្នាំ​ជា​ដើម ឲ្យ​កម្មករ​នៅ​ថ្ងៃ​ទី២៦ ខែមិថុនា។ ក៏​ប៉ុន្តែ​ដល់​ថ្ងៃ​កំណត់​ស្រាប់​តែ​ខាង​ភាគី​រោងចក្រ មិន​ព្រម​ចេញ​មុខ​មក​ដោះ​ស្រាយ​ជូន​កម្មករ​ឡើយ ទើប​ក្រុម​កម្មករ​នាំ​គ្នា​ចេញ​មក​តវ៉ា​ទាមទារ​ជា​ថ្មី​ទៀត។

អាស៊ី​សេរី​មិន​ទាន់​អាច​ទាក់ទង​ទៅ​ភាគី​រោងចក្រ ដើម្បី​សុំ​ការ​បញ្ជាក់​ជុំវិញ​ការ​ទូទាត់​សំណង​ឲ្យ​កម្មករ​បាន​ទេ នៅ​ថ្ងៃ​ទី២៩ ខែ​មិថុនា។

រោងចក្រ​កាត់ដេសំលៀកបំពាក់ ហាណាវ័ន មាន​ទីតាំង​នៅ​ភូមិ​ត្រពាំង​ក្រសាំង សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ មាន​កម្មករ​ប្រមាណ ៨រយ​នាក់ បាន​ធ្វើ​កូដកម្ម​កាលពី​ថ្ងៃ​ទី២៣ មិថុនា បន្ទាប់​ពី​ខាង​រោងចក្រ​ប្រកាស​កាល​ពី​ថ្ងៃ​ទី២២ មិថុនា​ថា ក្ស័យធន នឹង​ត្រូវ​បិទទ្វារ​ឆាប់ៗ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល