ព្រះមហាក្សត្រយល់ព្រមដាក់បញ្ចូលថ្ងៃដែលវៀតណាមឈ្លានពានកម្ពុជាជាថ្ងៃបុណ្យជាតិ
2019.01.05
សម្ដេចព្រះបរមនាថ នរោត្តម សីហមុនី (រូបកណ្ដាល) ព្រះមហាក្សត្រនៃព្រះរាជាណាចក្រកម្ពុជា យាងចូលរួមពិធីខួបអនុស្សាវរីយ៍លើកទី៦២ នៃបុណ្យឯករាជ្យជាតិ៩ វិច្ឆិកា នាវិមានឯករាជ្យ រាជធានីភ្នំពេញ នៅថ្ងៃទី៩ ខែវិច្ឆិកា ឆ្នាំ២០១៥។
ព្រឹត្តិបត្រដំណឹងថ្មីរបស់រដ្ឋាភិបាលវៀតណាម បាវមឺយ (baimoi) ចេញផ្សាយនៅថ្ងៃទី២ ខែមករា ឆ្នាំ២០១៩ នេះសរសេរថា ព្រះមហាក្សត្រខ្មែរ សម្តេចព្រះនរោត្តម សីហមុនី ទើបទ្រង់យល់ព្រមតាមសំណើរបស់លោកនាយករដ្ឋមន្ត្រី ហ៊ុន សែន អោយមានថ្ងៃបុណ្យសំខាន់បីនៅកម្ពុជា។
ទី១ ទទួលស្គាល់ថ្ងៃ២១ មិថុនា ឆ្នាំ១៩៧៨ ថាជាទិវាដែលលោក ហ៊ុន សែន បានទៅសុំអោយវៀតណាម អោយមកជួយកម្ពុជា។
ទី២ អោយទទួលស្គាល់ថ្ងៃ៧មករា ១៩៧៩ ថាជាថ្ងៃបុណ្យ ដែលវៀតណាមចូលរំដោះប្រជារាស្ត្រខ្មែរចេញពីរបប ប៉ុល ពត ហើយថា គឺជាស្នាដៃកងទ័ពវៀតណាម សហការជាមួយកងទ័ពខ្មែរ។
ទី៣ ទទួលស្គាល់ថ្ងៃ២៩ ធ្នូ ១៩៩៩ ថាជាទិវាឈ្នះឈ្នះ ដែលបានបញ្ចប់សង្គ្រាមរវាងខ្មែរនឹងខ្មែរ។
ព្រឹត្តិបត្របន្តថា ទិវាបីដែលនាយករដ្ឋមន្ត្រី និងព្រះមហាក្សត្រខ្មែរទទួលយល់ព្រមថា ជាទិវាបុណ្យដ៏សំខាន់នេះ វាជាមោទនភាពមួយសម្រាប់ប្រទេសវៀតណាម ដ្បិតវាជាតឹកតាងបង្ហាញថា សហគមន៍អន្តរជាតិ និងប្រទេសកម្ពុជាខ្លួនឯងផ្ទាល់ ទទួលស្គាល់យ៉ាងពេញទំហឹង នូវភាពស្របច្បាប់ ចំពោះការដែលប្រទេសវៀតណាមបញ្ជូនកងទ័ពមកប្រទេសកម្ពុជានៅដើមឆ្នាំ១៩៧៩ ហើយនិងនៅជួយប្រទេសនេះ១០ ឆ្នាំបន្តទៀត។
ថ្វីដ្បិតតែមានការអះអាងពីប្រព័ន្ធផ្សព្វផ្សាយរបស់រដ្ឋាភិបាលវៀតណាម និងលោក ហ៊ុន សែន ព្រមទាំងគណបក្សប្រជាជនកម្ពុជារបស់លោក អំពីអត្ថន័យនៃថ្ងៃ៧ មករា ក្ដី សហគមន៍អន្តរជាតិ រួមនិងអ្នកនិយមប្រជាធិបតេយ្យនៅតែចាត់ទុកថា ការលុកលុយចូលប្រទេសកម្ពុជាពីសំណាក់កងទ័ពវៀតណាមគឺជាអំពើឈ្លានពាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ហ៊ុន សែន បញ្ចេញសារសំឡេង ដែលប៉ុនប៉ងធ្វើឃាតលោក
- លោក ហ៊ុន សែន ថា មានអ្នកប៉ុនប៉ងសម្លាប់លោក ដោយប្រើយន្តហោះដ្រូន ខណៈបក្សប្រឆាំងថា ជារឿងប្រឌិត
- លោក ហ៊ុន ម៉ាណែត ជះលុយជិត ២លានដុល្លារឱ្យក្រុមហ៊ុនហ្វេសប៊ុកផ្សព្វផ្សាយសកម្មភាពរបស់លោកក្នុងរយៈពេល ៣ឆ្នាំ
- តុលាការថា នឹងដកហូតទ្រព្យសម្បត្តិលោក រ៉ុង ឈុន និងសកម្មជនពីរនាក់ទៀត បើគ្មាន ១០ម៉ឺនដុល្លារបង់ទៅឱ្យដើមបណ្ដឹង
- មន្ត្រីជាន់ខ្ពស់គណបក្សប្រជាជនកម្ពុជាទទួលស្គាល់ថា ការតែងតាំងកូនស្នងឪពុក ជារបៀបសន្តតិវង្ស
អត្ថបទពេញនិយម
សង្គម
- លោក សម រង្សី គាំទ្រសំណើរបស់លោក ស សុខា ដែលប្រាប់ពលរដ្ឋ មិនឲ្យសងប្រាក់កម្ចីខុសច្បាប់
- អាជ្ញាធរថៃផ្ដាច់បណ្ដាញអ៊ីនធឹណិត និងសេវាទូរស័ព្ទ ដែលភ្ជាប់ទៅក្រុងប៉ោយប៉ែត ដើម្បីប្រឆាំងឧក្រិដ្ឋកម្មឆបោកតាមអនឡាញ
- ពលរដ្ឋខេត្តសៀមរាបប្រតិកម្មនឹងការប្តូរឈ្មោះសួនព្រះរាជដំណាក់ ទៅជា «សួនតេជោសន្តិភាព»
- ពលរដ្ឋនៅក្រុងប៉ោយប៉ែតចោទប្រកាន់អាជ្ញាធរបង្ខំឱ្យពលរដ្ឋបង់លុយធ្វើផ្លូវដាក់លូ និងពុករលួយ
- អាជ្ញាធរខេត្តកែបមិនបានអភិវឌ្ឍតាមតំបន់ឆ្នេរផ្សារក្ដាម ក្រោយចាក់ដីលុបអស់រយៈពេលជិត ៥ឆ្នាំ