កម្មករ​រោងចក្រ Dignity Knitter ​បន្ត​ការ​តវ៉ា និង​ដេក​យាម​មុខ​រោងចក្រ ការពារ​​មិន​ឲ្យ​ថៅកែ​រោងចក្រ​ដឹក​សម្ភារៈ​ចេញ

ដោយ វ៉ែន សុមេធ
2020-06-15
អ៊ីម៉ែល
មតិ
Share
បោះពុម្ព
កម្មករ Dignity Knitter យាម​ខាង​មុខ​រោងចក្រ​រង់ចាំ​ដំណោះស្រាយ​​ពី​ថៅកែ ថ្ងៃ​ទី១៥ ខែ​មិថុនា ឆ្នាំ២០២០។
កម្មករ Dignity Knitter យាម​ខាង​មុខ​រោងចក្រ​រង់ចាំ​ដំណោះស្រាយ​​ពី​ថៅកែ ថ្ងៃ​ទី១៥ ខែ​មិថុនា ឆ្នាំ២០២០។
រូប៖ ហ្វេសប៊ុក

កម្មករ​រោងចក្រ ឌីកនើធី (Dignity Knitter Limited) កាល​ពី​ថ្ងៃ​ទី១៥ មិថុនា ម្សិលមិញ​នៅ​តែ​បន្ត​ការ​តវ៉ា និង​ដាក់​វេន​គ្នា​ដេក​យាម​ខាង​មុខ​រោងចក្រ ដើម្បី​ការពារ​កុំ​ឲ្យ​ថៅកែ​រោងចក្រ​ដឹក​សម្ភារៈ​ចេញ និង​បិទ​ផ្លូវ​នៅ​មុខ​រោងចក្រ​ រង់ចាំ​ដំណោះ​ស្រាយ​ក្រោយ​ពី​ភាគី​ថៅកែ​រោងចក្រ រំលោភ​កិច្ច​សន្យា​ជាមួយ​កម្មករ ដែល​បាន​ព្រមព្រៀង​គ្នា​ថា និង​ដោះស្រាយ​បើកលុយ​ឲ្យ​កម្មករ ​បន្ទាប់​ពី​ព្យួរ​ការងារ​កម្មករ​អស់​រយៈ​ពេល​ជាង ៣ខែ​មក។

រោងចក្រ​ឌីកនើធី នីតធើរ (Dignity Knitter Limited) ជា​រោងចក្រ​ផលិត​សំលៀក​បំពាក់ និង​ស្រោម​ជើង ស្ថិត​នៅ​ភូមិ​ព្រែក​តាព្រីង​សង្កាត់​សិត្បូ ក្រុង​តា​ខ្មៅ ខេត្ត​កណ្ដាល បាន​ប្រកាស​ព្យួរ​ការងារ​កម្មករ​គ្រប់​ផ្នែក​ទាំង​អស់​កាល​ពី​ថ្ងៃ​ទី១ ខែ​មិនា​ កន្លងទៅ ក្រោម​ហេតុផល​ថា ក្ស័យ​ធន​គ្មាន​លុយ​សម្រាប់​បង់​ជូន​កម្មករ ដោយសារ​តែ​អត់​អ្នក​បញ្ជា​ទិញ និង​បញ្ហា​វិបត្តិ​ជំងឺ​កូវីដ១៩។

តំណាង​កម្មករ​ម្នាក់​ដែល​ចូលរួម​តវ៉ា​ទាមទារ​រក​ដំណោះ​ស្រាយ​នោះ ឲ្យដឹង ថា ខាង​ភាគី​កម្មករ​ធ្វើ​ការ​តវ៉ា​គ្រប់​មធ្យោបាយ​ហើយ​មុន​នឹង​សម្រេច​ចិត្ត ឈរ​បិទ​ផ្លូវ​នៅ​មុខ​រោងចក្រ​នេះ ដើម្បី​ឲ្យ​អាជ្ញាធរ​ជួយ​រក​ដំណោះ​ស្រាយ៖ «ដោះ​ស្រាយ​នៅ​ក្រសួង​ការងារ ឥឡូវ​ចូល​ដល់​មន្ទីរ​ខេត្ត​ហើយ​ពី​ម្សិលមិញ​ដោយសារ​មាន​ការ​បិទ​ផ្លូវ​ពី​កម្មករ និង​មាន​អាជ្ញាធរ​ខេត្ត​អាជ្ញាធរ​ស្រុក​គេ​មក​ជួយ​អន្តរាគមន៍​ហើយ​ជួយ​ពន្លឿន​រឿង​ហ្នឹង ហើយ​ពីរ​ថ្ងៃ​ទៀត និង​មាន​ដំណោះ​ស្រាយ។

កាល​ពី​ដើម​ខែ​ឧសភា​កន្លង​ទៅ​ខាង​ភាគី​កម្មករ ភាគី​រោងចក្រ និង​ភាគី​ក្រសួង​ការងារ បាន​ជួប​ប្រជុំ​គ្នា​រក​ដំណោះ​ស្រាយ​ម្ដង​រួច​មក​ហើយ ដោយ​ភាគី​ក្រុមហ៊ុន​រោងចក្រ​សន្យា​ថា​ នឹង​ដោះស្រាយ​ជូន​កម្មករ ក្នុង​នោះ​មាន​ទាំង​កម្មករ​ពេញ​សិទ្ធ និង​កម្មករ​មិន​ពេញ​សិទ្ធ ដែល​មាន​ទឹក​ប្រាក់​សរុប​ចំនួន​ជាង ១លាន​ដុល្លារ។ លុះ​មក​ដល់​ថ្ងៃ​កំណត់ គឺ​ថ្ងៃ​ទី៣ ​ខែ​ឧសភា​ ខាង​ភាគី​រោងចក្រ​បាន​រំលោភ​កិច្ច​សន្យា​ដោយ​ពុំ​បាន​បើក​ប្រាក់​ជូន​កម្មករ​ដូច​តាម​ការ​សន្យា​នោះ​ទេ ទើប​ក្រុម​កម្មករ​នាំ​គ្នា​ផ្ទុះ​ការ​តវ៉ា​នេះ​ឡើង។

ទោះ​ជា​យ៉ាង​ណា ក្រុម​កម្មករ​ថា នឹង​បន្ត​តវ៉ា​ទៀត​ បើ​ពុំ​មាន​ដំណោះ​ស្រាយ៕

 

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល