ཤིན་ཅང་ཡུ་གུར་མི་རིགས་ལ་དོགས་གཞི་བྱས་འདུག


2013.10.29
པེ་ཅིང་གནམ་བདེ་སྒོ་མོ་ཆེའི་ཐང་ཆེན་ཐོག་མོ་ཊ་འབར་གས་ཀྱི་དོན་རྐྱེན་རྗེས་ཀྱི་རྣམ་པ། པེ་ཅིང་གནམ་བདེ་སྒོ་མོ་ཆེའི་ཐང་ཆེན་ཐོག་མོ་ཊ་འབར་གས་ཀྱི་དོན་རྐྱེན
པར། AFP

རྒྱ་ནག་གི་ཉེན་རྟོག་ཚན་པས་པེ་ཅིང་གནམ་བདེ་སྒོ་མོ་ཆེའི་ཐང་ཆེན་ཐོག་མོ་ཊ་འབར་གས་ཀྱི་དོན་རྐྱེན་དེ་ཡུ་གུར་བ་མི་གཉིས་ལ་དོགས་གཞིའི་ཉེས་བཙུགས་བྱས་འདུག

ཚེས་༢༨ཉིན་རྒྱ་ནག་པེ་ཅིང་གནམ་བདེ་སྒོ་མོ་ཆེའི་ཐང་ཆེན་ཐོག་བྱུང་བའི་དོན་རྐྱེན་དེ་ཐོན་པའི་སྐབས་རྒྱ་ནག་གཞུང་གི་གསར་ཤོག་དང་། བརྙན་འཕྲིན་ཐོག་ལ་མོ་ཊ་རྡུང་ཐུག་བྱུང་བའི་དོན་རྐྱེན་ཞིག་ཡིན་པའི་གསལ་བསྒྲགས་བྱས་ཡོད་པ་དང། སྐབས་དེར་གནས་ཚུལ་དབྱེ་ཞིབ་པས་དོན་རྐྱེན་དེ་ཡི་རྣམ་པར་བལྟས་ན་སྔོན་ཚུད་ནས་འཆར་གཞི་ལྡན་པའི་གཏོར་རྒོལ་གྱི་བྱ་སྤྱོད་ཅིག་ཡིན་པའི་ཚོད་དཔག་བྱས་པ་ལྟར་། ཚེས༢༩ཉིན་རྒྱ་ནག་གི་ཉེན་རྟོག་པས་མོ་ཊ་རྡུང་ཐུག་གི་དོན་རྐྱེན་ནང་འབྲེལ་བ་ཡོད་པའི་དོགས་གཞི་ཅན་གྱི་མི་གཉིས་པོ་དེ་ཤིན་ཅང་ནས་ཡིན་པ་དང་། དོན་རྐྱེན་བྱུང་ས་ནས་ཐོན་པའི་མོ་ཊ་བཞིའི་མོ་ཊའི་ཨང་རྟགས་ནི་ཤིན་ཅང་ནས་ཡིན་པ་བཤད་ཡོད་པ་མ་ཟད། པེ་ཅིང་གི་མགྲོན་ཁང་ཁག་ཅིག་ལ་དོགས་གཞི་ཡོད་པའི་མགྲོན་པོ་དང་མོ་ཊ་དེ་འདྲ་ཡོད་མེད་རྟོགས་ཞིབ་ནན་པོ་བྱ་དགོས་པའི་བཀོད་ཁྱབ་བཏང་ཡོད་པ་རེད། ཕ་རན་སི་གསར་འགྱུར་ལས་ཁང་གིས་པེ་ཅིང་གི་མགྲོན་ཁང་ཁག་ཅིག་ལ་གནས་ཚུལ་དེ་བདེན་པ་ཡིན་མིན་སྐད་ཆ་དྲིས་པའི་སྐབས་མགྲོན་ཁང་ཁག་ཅིག་གིས་ཁོང་ཚོར་ཉེན་རྟོག་པའི་བརྡ་ཐོ་འབྱོར་བའི་གནས་ཚུལ་འགྲེལ་བརྗོད་བྱས་ཡོད་པ་རེད། རེས་གཟའ་ཟླ་བའི་ཉིན་པེ་ཅིང་གནམ་བདེ་སྒོ་མོ་ཆེའི་ཐང་ཆེན་ཐོག་མོ་ཊ་རྡུང་ཐུག་བྱུང་བའི་དོན་རྐྱེན་ནང་ཁྱོན་མི་ལྔ་རྐྱེན་འདས་སུ་ཕྱིན་པ་དང་། མི་སུམ་ཅུ་སོ་གྲངས་ལ་རྨས་སྐྱོན་ཕོག་ཡོད་པ་རེད།

བལྟ་བཤེར་མང་ཤོས་བྱས་པའི་གནས་ཚུལ།
RFA
ཨ་རིའི་གྲོས་ཚོགས་གོང་མའི་ནང་བོད་རྒྱའི་རྩོད་རྙོག་སེལ་བར་སྐུལ་འདེད་གཏོང་བའི་ཁྲིམས་འཆར་ལ་སྤྱི་མོས་རྒྱབ་སྐྱོར་ཐོབ་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎