༧གོང་ས་མཆོག་དང་ཆོས་དཔོན་ཊུ་ཊུ་ཡོད་པའི་ཚོན་བྲིས་རི་མོ་ཞིག་ལ་ཚོད་དཔག་ལས་བརྒལ་བའི་རིན་གོང་རག་འདུག

2021-09-24
Share
༧གོང་ས་མཆོག་དང་ཆོས་དཔོན་ཊུ་ཊུ་ཡོད་པའི་ཚོན་བྲིས་རི་མོ་ཞིག་ལ་ཚོད་དཔག་ལས་བརྒལ་བའི་རིན་གོང་རག་འདུག ༧གོང་ས་སྐྱབས་མགོན་ཆེན་པོ་མཆོག་དང་ཡི་ཤུའི་ཆོས་དཔོན་ཌེསྀ་མོནཌ་ཊུ་ཊུ་(Desmond Tutu)མཆོག 4/23/2015
OHHDL

ཡེ་ཤུ་ཆོས་དཔོན་ཌེསྀ་མོནཌ་ཊུ་ཊུ་(Desmond Tutu)་མཆོག་ད་ལོ་སྤྱི་ཟླ་༡༠་པའི་ཚེས་༧་ཉིན་དགུང་གྲངས་༩༠་སོན་གྱི་ཡོད་པ་དང་། ཁོང་གི་འཁྲུངས་སྐར་སླེབས་ལ་ཉེ་བ་དང་བསྟུན་ཊུ་ཊུ་(Tutu)་ཐེབས་རྩ་ཁང་གིས་མ་དངུལ་བསྡུ་འགོད་དང་སྦྲགས་ཅ་དངོས་འགའ་ཤས་ཚོང་བསྒྱུར་བྱས་པའི་སྐབས། ཊུ་ཊུ་རང་ཉིད་ཀྱིས་རྩོམ་བྲིས་གནང་བ་དང་ཁོང་གི་མཚན་རྟགས་འཁོད་ཡོད་པའི་དཔེ་དེབ་གཅིག་དང་། ཡང་ཁོང་དང་༧གོང་ས་རྒྱལ་བ་རིན་པོ་ཆེ་ལྷན་དུ་ཡོད་པའི་ཚོན་བྲིས་རི་མོ་ཞིག་ཡོད་པ་དེ་གཉིས་ལ་ཚོད་དཔག་ལས་བརྒལ་བའི་རིན་གོང་མཐོ་པོ་སྤྲད་མཁན་བྱུང་འདུག
ད་དུང་ཊུ་ཊུ་ཐེབས་རྩ་ཁང་གིས་གནས་ཚུལ་ཕྱི་བསྒྲགས་བྱས་བའི་ནང་། ལྷོ་ཨ་ཧྥི་རི་ཀའི་རི་མོ་སྒྱུ་རྩལ་བ་(Charles Foley)་ལགས་ཀྱིས་དེ་སྔ་༢༠༡༥་ལོར་༧གོང་ས་ཏཱ་ལའི་བླ་མ་མཆོག་དང་ཡེ་ཤུ་ཆོས་དཔོན་ཊུ་ཊུ་རྣམ་གཉིས་རྒྱ་གར་ནང་མཇལ་འཕྲད་གནང་བའི་ཚོན་བྲིས་རི་མོ་དེར་ཚོད་དཔག་ལས་བརྒལ་བའི་རིན་གོང་མཐོ་པོ་རག་པར་བརྟེན་རིན་སྤར་ཚོང་བསྒྱུར་གནང་ཚུལ་གསལ་འདུག་ཀྱང་རིན་གོང་ག་ཚོད་རག་ཡོད་མེད་གསལ་བོ་བཤད་མེད་པ་རེད། ཡིན་ན་ཡང་ད་རེས་ཊུ་ཊུ་ཐེབས་རྩ་ཁང་གི་རིན་བསྡུར་ཚོང་བསྒྱུར་གྱི་མ་དངུལ་བསྡུ་འགོད་ཁྲོད་ཁྱོན་ཡོང་འབབ་ཨ་སྒོར་འབུམ་གཉིས་དང་སུམ་ཁྲི་བདུན་སྟོང་བྱུང་ཡོད་འདུག

གསར་འགོད་པ། དོན་གྲུབ་རྣམ་རྒྱལ།
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།