ཡོ་རོབ་མཐུན་ཚོགས་ནས་རྒྱ་ནག་གཞུང་ལ་སྐྱོན་བརྗོད།

ཡོ་རོབ་མཐུན་ཚོགས་ནས་རྒྱ་ནག་གཞུང་གིས་བོད་མི་གཉིས་སྲོག་ཐོག་ཏུ་བཏང་བར་སྐྱོན་བརྗོད་ཤུགས་ཆེ་གནང་བའི་སྤྱིར་བསྒྲགས་སྤེལ་བ།

2009.10.29

༄༅༎ཡོ་རོབ་མཐུན་ཚོགས་ནས་རྒྱ་ནག་གཞུང་གིས་བོད་མི་གཉིས་སྲོག་ཐོག་ཏུ་བཏང་བར་སྐྱོན་བརྗོད་ཤུགས་ཆེ་གནང་ཞིང་ཁོང་ཚོའི་ཐོག་ཁྲིམས་གཤེར་ཚུལ་ལྡན་བྱུང་མེད་པ་ནི་བློ་དྭོགས་སྐྱེས་གཞི་ཞིག་ཡིན་པ་གསུངས་འདུག

དེ་ཡང་ཡོ་རོབ་མཐུན་ཚོགས་ཀྱི་ཟླ་དྲུག་རེ་མོས་ཀྱི་ཚོགས་གཙོ་ལས་ཐོག་པ་སུལྦེ་ཌེན་གཞུང་གིས་ཚོགས་མིའི་རྒྱལ་ཁབ་ཉི་ཤུ་རྩ་བདུན་གྱི་སྐུ་ཚབ་ཀྱི་ངོ་བོའི་ཐོག་ནས་སྤྱིར་བསྒྲགས་ཤིག་སྤེལ་ཡོད་པ་དེའི་ནང་ཡོ་རོབ་མཐུན་ཚོགས་ནས་ཉེ་ཆར་བོད་མི་བློ་བཟང་རྒྱལ་མཚན་དང་བློ་ཡག་གཉིས་སྲོག་ཐོག་བཏང་བར་མཐའ་གཅིག་ཏུ་སྐྱོན་བརྗོད་བྱེད་རྒྱུ་ཡིན་ཞེས་དང་ཡོ་རོབ་མཐུན་ཚོགས་ནས་དྲག་ལས་སྤེལ་མཁན་གྱི་བྱེད་ལྟེ་ཚོ་ཁྲིམས་ཀྱི་མདུན་སར་ཁྲིམས་གཤེར་བྱེད་པའི་རྒྱ་ནག་གཞུང་གི་ཐོབ་ཐང་ལ་བརྩི་སྲུང་ཞུ་རྒྱུ་ཡིན་ཡང་ནག་ཉེས་ཀྱི་གནད་དིན་ཇི་འདྲ་ཞིག་གི་ཐོག་ནས་ཀྱང་སྲོག་ཐོག་གི་ཉེས་ཆད་གཏང་རྒྱུར་ང་ཚོས་མཐའ་གཅིག་ཏུ་ངོ་རྒོལ་བྱེད་བཞིན་པའི་ལངས་ཕྱོགས་གསལ་བཏོན་བྱ་རྒྱུ་ཡིན་ཞེས་གསུངས་འདུག

ད་དུང་ཡོ་རོབ་མཐུན་ཚོགས་ཀྱི་ཚོགས་གཙོའི་སྤྱིར་བསྒྲགས་དེའི་ནང་ང་ཚོས་དེ་སྔོན་ཡང་བརྗོད་ཟིན་པ་ལྟར་སྲོག་ཐོག་གི་ཉེས་ཆད་བཏང་པའི་བོད་མི་དེ་དག་གི་ཐོག་ཁྲིམས་གཤེར་དྲང་བདེན་བྱུང་མིན་ཐད་བློ་འཚབ་ཡོད་པ་དེ་སླར་ཡང་གསལ་བཏོན་བྱ་རྒྱུ་ཡིན་ཞེས་གསུངས་འདུག

སྔ་ལོ་བོད་ཀྱི་རྒྱལ་ས་ལྷ་སའི་ངོ་རྒོལ་གྱི་ལས་འགུལ་ནང་ཞུགས་མཁན་གྱི་བོད་མི་གཞན་ཁག་གཅིག་ལ་ཡང་སྲོག་ཐོག་གི་ཉེས་ཆད་བཀལ་ཡོད་པ་ཁོང་ཚོའི་སྲོག་ཐོག་གི་ཉེས་ཆད་ཕྱིར་བསྡུ་དགོས་པའི་འབོད་བསྐུལ་ཡང་ཞུས་ཡོད་པ་རེད།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དབོན་སྟོད་དགོན་པའི་ཕྱག་མཛོད་བགྲེས་པ་དང་གྲོང་ཚོའི་ལས་བྱེད་པ་གཉིས་ཀྱི་གྱོད་དོན་གཞུང་ཕྱོགས་གྱོད་ཞིབ་པར་རྩིས་སྤྲད་ཟིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎