ཇར་མན་དང་རྒྱ་ནག་དབར་བོད་དོན་གླེང་སྲིད།

༄༅།  །ཡོ་རོབ་དཔལ་འབྱོར་ཉམས་རྒུད་ནང་ལྷུང་ནས་ལོ་གསུམ་ཙམ་ཕྱིན་པའི་རྗེས་སུ་ད་ཆ་འཛམ་གླིང་གི་དཔལ་འབྱོར་ཆེ་ཤོས་རྒྱ་ནག་ཀྱང་དཀའ་ངལ་ནང་ལྷུང་ཉེན་ཡོད་པར་བརྟེན། རྒྱ་ནག་གིས་དཀལ་ངལ་དེ་སེལ་རྒྱུར་འཐབ་གྲོགས་གཙོ་བོ་ཇརྨེ་ཎི་ཡིན་པར་ངོས་འཛིན་བྱེད་བཞིན་པ་རེད། ཨནྗེ་ལ་ མརྐེལ་ (Angela Merkel)ད་རེས་རྒྱ་ནག་ཏུ་ཕེབས་པའི་སྐབས་འདིར་ཁོང་དང་ལྷན་དུ་བློན་ཆེན་ཁག་ཅིག་དང་།     ཚོང་ལས་ཆེ་ཁག་གི་སྐུ་ཚབ་ཀྱང་ཕེབས་ཡོད་པ་རེད།  རེས་གཟའ་ཕུར་བུ་དང་པ་སངས་ཉིན་གཉིས་ཀྱི་གཟིགས་སྐོར་རིང་རྒྱ་ནག་གི་སྲིད་བློན་ཝན་ཅ་པོ་མཇལ་འཕྲད་ཀྱིས་གྲོས་མོལ་གནང་ཡོད་པ་རེད།             ཡུལ་གཉིས་དབར་ཚོང་འབྲེལ་གྱི་ཆིངས་དོན་མང་དག་ཅིག་སྣོན་འཇོག་གནང་ཡོད་འདུག་ཀྱང་།   ད་ལྟའི་སྐབས་སུ་ཞིབ་ཕྲའི་གནས་ཚུལ་ཕྱིར་བསྒྲགས་བྱས་མེད་པ་རེད། ཨནྗེ་ལ་ མརྐེལ་མཆོག་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་སྐོར་དང་།   བོད་དོན་སྐོར་གླེང་སློང་ཡང་གནང་རྒྱུ་ཡིན་ལུགས་མིང་འདོན་མེད་པའི་ཇརྨེ་ཎིའི་དཔོན་རིགས་ཤིག་གིས་གསུངས་འདུག