ཡང་བསྐྱར་ཧོང་ཀོང་གི་དམངས་གཙོ་དོན་གཉེར་བ་ཞེ་བདུན་ཉེན་རྟོག་པས་འཛིན་བཟུང་བྱས་འདུག

2021-03-01
Share
ཡང་བསྐྱར་ཧོང་ཀོང་གི་དམངས་གཙོ་དོན་གཉེར་བ་ཞེ་བདུན་ཉེན་རྟོག་པས་འཛིན་བཟུང་བྱས་འདུག ཧོང་ཀོང་གི་དམངས་གཙོ་དོན་གཉེར་བ་ཞེ་བདུན་ཉེན་རྟོག་པས་འཛིན་བཟུང་བྱས་བར་བརྟེན་ཁྲིམས་ཁང་མདུན་ངོ་རྒོལ། ༣།༡།༢༡
RFA

རྒྱལ་ཁབ་བདེ་འཇགས་ཀྱི་ཁྲིམས་གཞིའི་འོག་ཉེན་རྟོག་པས་ཧོང་ཀོང་ནང་གི་དམངས་གཙོ་དོན་གཉེར་བ་དང་དམངས་གཙོའི་ལས་འགུལ་བ་༤༧འཛིན་བཟུང་བྱས་འདུག
རྒྱ་ནག་གཞུང་གིས་ཧོང་ཀོང་ནང་ལག་བསྟར་བྱས་པའི་རྒྱལ་ཁབ་བདེ་འཇགས་ཁྲིམས་གཞི་ཟེར་བའི་འོག་ཉེན་རྟོག་པས་ཧོང་ཀོང་ཁྱོན་ཡོངས་སུ་ཞིབ་གཤེར་བྱས་པ་བརྒྱུད། ཁུལ་དེའི་ནང་ཡོད་པའི་དམངས་གཙོ་དོན་གཉེར་བ་གྲངས་༤༧ཟླ་༢འི་ཚེས་༢༨གཟའ་ཉི་མའི་ཉིན་རྒྱལ་ཁབ་མགོ་རྟིང་སློག་ཐབས་བྱས་པའི་ཉེས་མིང་འོག་འཛིན་བཟུང་བྱས་ཡོད་འདུག
ཟླ་བ་སྔོན་མའི་ནང་ཧོང་ཀོང་གྲོང་ཁྱེར་ནང་རྒྱུས་མངའ་ཆེ་བའི་དམངས་གཙོ་དོན་གཉེར་བ་མི་གྲངས་༥༥རྒྱལ་ཁབ་བདེ་འཇགས་ཁྲིམས་གཞི་ཟེར་བའི་འོག་ཉེན་རྟོག་པས་འཛིན་བཟུང་བྱས་ཡོད་པ་རེད། གོང་དུ་འཛིན་བཟུང་བྱས་པའི་དམངས་གཙོ་དོན་གཉེར་བ་མི་གྲངས་༥༥ནས་མི་གྲངས་༤༧ལ་གཟའ་ཉི་མའི་ཉིན་རྒྱལ་ཁབ་བདེ་འཇགས་ཁྲིམས་གཞིའི་འོག་རྒྱལ་ཁབ་མགོ་རྟིང་སློག་ཐབས་བྱས་པའི་ཉེས་མིང་བཙུགས་ཡོད་པ་དང་། ཁོང་ཚོ་གཟའ་ཟླ་བའི་ཉིན་ཁྲིམས་ཁང་དུ་ཁྲིད་ཡོད་འདུག
སྤྱི་ལོ་༢༠༡༩ལོར་ཧོང་ཀོང་ནང་ཡོད་པའི་དམངས་གཙོ་དོན་གཉེར་བ་ཚོས། ཧོང་ཀོང་གི་རྒྱ་ལམ་ཐོག་ཞི་རྒྱ་ཆེ་བའི་དམངས་གཙོའི་ལས་འགུལ་སྤེལ་བའི་རྗེས། རྒྱ་ནག་གཞུང་གིས་ཧོང་ཀོང་ཐོག་དམ་དྲག་བྱེད་ཤུགས་ཆེ་རུ་བཏང་ཡོད་པ་དང་། ན་ནིང་ཕྱི་ཟླ་དྲུག་པའི་ནང་རྒྱ་ནག་གཞུང་གིས་ཧོང་ཀོང་ལ་བཀལ་བའི་རྒྱལ་ཁབ་བདེ་འཇགས་སྲུང་སྐྱོབ་ཀྱི་ཁྲིམས་གཞིའི་འོག་དམངས་གཙོ་དོན་གཉེར་བ་ཚོའི་ཐོག་རྒྱལ་ཁབ་ལ་མགོ་རྟིང་སློག་ཐབས་བྱས་པ་དང་། ཕྱིའི་རྒྱལ་ཁབ་དང་ཁ་མཐུན་བྱས་པ་སོགས་ཀྱི་ནག་ཉེས་རིམ་པ་བཙུགས་ནས་ད་ཆ་དམངས་གཙོ་དོན་གཉེར་བ་ཚོ་འཛིན་བཟུང་བཙོན་འཇུག་བྱས་པ་དང་། དེ་མིན་ན་བཙན་བྱོལ་དུ་ཕེབས་དགོས་བྱུང་པའི་གནས་སྟངས་གྱུར་ཡོད་པ་རེད།
རྒྱ་ནག་གཞུང་གིས་ཧོང་ཀོང་ནང་ཁྲིམས་གཞི་གསར་བ་ལག་བསྟར་བྱས་ནས་འདས་བའི་མི་ལོ་གཅིག་མ་ཟིན་ཙམ་གྱི་ནང་ཉུང་མཐར་ཧོང་ཀོང་གི་དམངས་གཙོའི་དོན་གཉེར་བ་དང་ལས་འགུལ་བ་མི་གྲངས་༥༠༠མ་ཟིན་ཙམ་འཛིན་བཟུང་བྱས་ཡོད་འདུག

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།