ཨ་རིའི་སྲིད་འཛིན་དང་། སྲིད་འཛིན་སྐུ་གཞོན་གྱི་དམ་འབུལ་གནང་སྟེ་སྲིད་འཛིན་དང་སྲིད་འཛིན་གཞོན་པའི་མཚན་གནས་དངོས་སུ་འགན་བཞེས་གནང་ཡོད་པ།

ཕྱི་ཟླ་༡ཚེས་༢༠་ཉིན་ཨ་མི་རི་ཀའི་རྒྱལ་ས་ཝ་ཤིང་ཀྲོན་གྱི་གྲོས་ཚོགས་ཀྱི་ཐང་ཆེན་ཐོག་ཨ་རིའི་སྲིད་འཛིན་ཐེངས་༤༦པའི་དམ་འབུལ་མཛད་སྒོའི་ཐོག་སྐུ་མགྲོན་མང་པོ་ཞིག་འདུ་འཛོམས་གནང་ཡོད་པ་མ་ཟད། སྐབས་དེར་སྙན་གྲགས་ཆེ་བའི་ཨ་མི་རི་ཀའི་གཞས་མ་Lady Gaga ཡིས་ཨ་རིའི་རྒྱལ་གླུ་བཏང་གནང་བ་དང་། དེ་བཞིན་Jennifer Lopez དང་ Garth Brooks གཉིས་ཀྱིས་འཁྲབ་སྟོན་གནང་བ་དང་། ལོ་ན་ཉི་ཤུ་རྩ་གསུམ་ཡིན་པའི་Amanda Gorman ཡིས་སྙན་ངག་གྱེར་འདོན་གནང་ཡོད་པ་རེད།

རྩ་བའི་ཆར་Covid-19ཏོག་དབྱིབས་ནད་འབུའི་རིམས་ནད་འགོས་ཁྱབ་མི་འགྲོ་བ་དང་ཉེ་དུས་གྲོས་ཚོགས་ནང་ངོ་རྒོལ་གི་གནས་ཚུལ་བྱུང་བ་དེའི་རིགས་བསྐྱར་དུ་མི་ཡོང་བའི་དོན་དུ་འདི་ག་ཨ་རིའི་རྒྱལ་སའི་ཁུལ་མཛད་སྒོའི་སྐབས་མང་ཚོགས་འདུ་འཛོམས་མེད་པ་བཟོས་གནང་ཡོད་ནའང།སྲིད་འཛིན་Joe Biden མཆོག་གི་དམ་འབུལ་མཛད་སྒོའི་ཐོག་སྲིད་འཛིན་ཟུར་པ་རྣམས་དང་གནད་ཡོད་མི་སྣ་གང་མང་འདུ་འཛོམས་གནང་ཡོད་པ་མ་ཟད། རྒྱལ་སྤྱིའི་སྤྱི་ཚོགས་ཁག་ནས་ཀྱང་དེའི་ཐོག་ཐུགས་སྣང་ཆེན་པོ་གནང་ཡོད་པ་རེད།