སྲིད་འཛིན་ཨོ་བྷ་མ་རྒྱ་ནག་ལ་མ་ཕེབས་སྔོན་གྱི་འབོད་སྐུལ།

2014-10-30
གློག་འཕྲིན།
མཆན།
Share
པར་བཀོད།
སྙན་ཞུ་ཡིག་ཆ་འབུལ་མཁན་འབྲེལ་ཡོད་ཁག་དགུའི་ལས་རྟགས། ༢༠༡༤
སྙན་ཞུ་ཡིག་ཆ་འབུལ་མཁན་འབྲེལ་ཡོད་ཁག་དགུའི་ལས་རྟགས། ༢༠༡༤
དྲ་བཤུས

སྤྲུལ་སྐུ་བསྟན་འཛིན་བདེ་ལེགས་སོགས་རྒྱ་ནག་ནང་གི་གྲགས་ཅན་ཆབ་སྲིད་བཙོན་པ་ཚོ་གློད་བཀྲོལ་ཡོང་ཐབས་རྒྱ་ནག་དང་གླེང་དགོས་པ་ཞུས་འདུག
དེ་ཡང་འགྲོ་བ་མིའི་ཐོབ་ཐོང་ཚོགས་པ་ཁག་དགུ་ཙམ་གྱིས་མཉམ་དུ་ཚེས་༣༠ཉིན་ཨ་རིའི་སྲིད་འཛིན་ཨོ་བྷ་མར་རྒྱ་ནག་དུ་སྤྱི་དམངས་ཐོབ་ཐང་ཐོག་དྲག་གནོད་བྱེད་མུས་ཐད་རྒྱ་གཞུང་གི་དཔོན་རིགས་མཉམ་དུ་གླེང་སློང་དགོས་པའི་སྐུལ་འདེབས་གནང་ཡོད་པ་དང་། དེ་ནི་འབྱུང་འགྱུར་སྤྱི་ཟླ་༡༡པའི་ཚེས་༡༢ཉིན་ཨ་རིའི་སྲིད་འཛིན་ཨོ་བྷ་མ་རྒྱ་ནག་དུ་རྒྱལ་དོན་མཚམས་གཟིགས་སྐབས་རྒྱ་ནག་གི་སྲིད་འཛིན་ཞེ་ཅིན་ཕེན་དང་པེ་ཅིན་ནས་མཇལ་འཕྲད་གནང་རྒྱུ་ཡིན་པ་དང་། སྐབས་དེ་དང་བསྟུན་རྒྱལ་སྤྱིའི་ཐོག་འགྲོ་བ་མིའི་ཐོབ་ཐོང་ཚོགས་པ་གྲགས་ཅན་༩ཡིས་མཚན་ཐོག་ནས་སྲིད་འཛིན་ཨོ་བྷ་མར་ཡོངས་ཁྱབ་འབོད་སྐུལ་གྱི་ཞུ་སྙན་འབུལ་བའི་ནང་། ད་ལྟའི་རྒྱའི་བཙོན་འོག་དུ་ཡོད་པའི་ནོ་བེལ་ཞི་བདེའི་གཟེངས་སྟགས་བཞེས་མཁན་ལིའུ་ཞོ་པོ་དང་། ཁོང་གི་བཟའ་ཟླ་ལི་ཤག ཡུལ་གུ་མཁས་དབང་ཡི་ལམ་ཏོ་གྲིས། རྒྱ་ནག་གི་འགྲོ་བ་མའི་ཐོབ་ཐང་ཁྲིམས་རྩོད་པ་Gao Zhisheng དེ་བཞིན་སྤྲུལ་སྐུ་བསྟན་འཛིན་བདེ་ལེགས་རིན་པོ་སོགས་གློད་གྲོལ་དགོས་རྒྱུ་རྒྱ་ནག་གཞུང་དང་མཉམ་གླེང་སློང་དང་གནོན་ཤུགས་སྤྲོད་དགོས་པ་བརྗོད་འདུག
མ་ཟད་རྒྱ་ནག་གིས་སྤྱི་དམངས་ཐོབ་ཐང་ཐོག་རྡུང་རོལ་གཏོང་བཞིན་པའི་བྱ་སྤྱོད་དེ་ཨ་རི་དང་རྒྱ་ནག་བར་གྱི་ཕུན་ཚུལ་འབྲེལ་ལམ་གྱི་འགག་རྩ་ཞིག་ཡིན་པ་སྲིད་འཛིན་ཨོ་བྷ་མས་གསལ་འདོན་གནང་དགོས་པ་བརྗོད་ཡོད་པ་དང་། ཡིག་ཆ་དེར་རྒྱལ་སྤྱིའི་བོད་དོན་ལས་འགུལ་ཁང་གི་གཙོས་པའི་གཞུང་འབྲེལ་མིན་པའི་ཚོགས་པ་དགུ་ཡིས་མཚན་རྟགས་འཁོད་འདུག

གསར་འགོད་པ་རྡོ་རྗེ་དགྲ་འདུལ།

མཆན། (0)
Share
དྲ་གནས་ཆ་ཚང༌།