གཞོན་ནུའི་རྒྱུན་ལས་གསུམ་གྱི་ཟས་བཅད་ངོ་རྒོལ་ལ་རྒྱབ་སྐྱོར།


2015.09.25
གཞོན་ནུ་ལྷན་ཚོགས་ཀྱི་རྒྱུན་ལས་གསུམ་གྱི་ཟས་བཅད་ངོ་རྒོལ་ལ་རྒྱབ་སྐྱོར། བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་ཁང་གི་རྒྱུན་ལས་གསུམ་ནས་ཟས་བཅད་ངོ་རྒོལ་གནང་ནས་ཉིན་༡༥།
་གཞོན་ནུ་ལྷན་ཚོགས་ཀྱི་ངོ་དེབ།

༄༅༎ བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དབུས་རྒྱུན་ལས་གསུམ་གྱིས་བོད་དོན་ལ་རྒྱབ་སྐྱོར་དགོས་པའི་དགོས་འདུན་དོན་ཚན་ལྔ་རྒྱལ་ཚོགས་ལ་ཕུལ་ནས། རྒྱ་གར་གྱི་རྒྱལ་ས་ལྡི་ལིར་དུས་ཚོད་ངེས་མེད་ཀྱི་ཟས་བཅད་ལས་འགུལ་སྤེལ་ནས་དེ་རིང་བར་ཉིན་༡༥ འགྲོ་ཡི་ཡོད་པ་རེད།
ཟས་ བཅད་ངོ་རྒོལ་གི་ལས་འགུལ་ནང་ཞུགས་མཁན་དབུས་སྤྱི་ཁྱབ་རྒྱུན་ལས་རྣམ་པའི་ད་ ལྟའི་སྐུ་གཟུགས་ཀྱི་ལྗིད་ཚད་མར་ཆགས་ནས་གནས་སྟངས་ཞན་དུ་གྱུར་ཡོད་ཀྱང་། ཛ་དྲག་ཆེ་བ་རང་མེད་པར་མུ་མཐུད་དེ་ཟས་བཅད་ངོ་རྒོལ་གནང་བཞིན་ཡོད་པ་དང་ཁོང་ཚོར་རྒྱ་གར་གྲོགས་པོ་སོགས་ཀྱིས་རྒྱབ་སྐྱོར་གནང་བ་དང་།  ཁོང་ཚོས་འཚམས་འདྲི་དང་གཟིགས་པར་ཕེབས་ནས་མཇལ་དར་བསྒྲོན་པ་སོགས་གནང་བཞག
ད་རེས་ཁོང་ཚོའི་ཟས་བཅད་ངོ་རྒོལ་ལས་འགུལ་དེའི་སྐབས་མཉམ་འབྲེལ་རྒྱལ་ཚོགས་ལ་དགོས་འདུན་དོན་ཚན་ལྔ་བཏོན་ཡོད་པ་དེ་དག་ནི།
དང་པོ། མཉམ་འབྲེལ་རྒྱལ་ཚོགས་ཀྱི་ཚོགས་མི་ནས་རྒྱལ་ཚོགས་ཀྱི་ཚོགས་ཆེན་དང་འགྲོ་བ་མིའི་ཐོབ་ཐང་ལྷན་ཚོགས་ཐོག་བོད་དོན་གླེང་སློང་གནང་དགོས།
གཉིསཔ། རྒྱ་ནག་གཞུང་ལ་རང་ལུས་མེར་བསྲེགས་ཀྱིས་ཞི་རྒོལ་གནང་ མཁན་བོད་མིའི་དགོས་འདུན་ཁག་ལ་འགན་འཁུར་ཡ་ལན་དགོས་པ་ནན་བསྐུལ་མཐའ་འཁྱོལ་བ་བྱ་དགོས།
གསུམ་པ། རྒྱ་ནག་གཞུང་ལ་༸ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་ བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་སྐུ་འཚོ་བཞུགས་ཡོད་མེད་ཀྱི་བདེན་ དཔང་གསལ་སྟོན་དགོས་པ་ནན་བསྐུལ་བྱ་དགོས།
བཞི་པ། བོད་ཀྱི་དངོས་ཡོད་གནས་ཚུལ་རྟོགས་ཞིབ་ཆེད་རྒྱལ་ཚོགས་ཀྱི་སྐུ་ཚབ་ཚོགས་ཆུང་ཞིག་བོད་ནང་ངེས་པར་དུ་གཏོང་དགོས།
ལྔ་པ། རྒྱ་ནག་གཞུང་ལ་བོད་ཀྱི་ཉེས་མེད་ཆབ་སྲིད་བཙོན་པ་རྣམས་མྱུར་དུ་གློད་གྲོལ་གཏོང་རྒྱུར་ནན་བསྐུལ་བྱ་དགོས་པབཅས་ཡིན་པ་རེད།

གསར་འགོད་པ་ཚེ་བརྟན་རྡོ་རྗེ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དབོན་སྟོད་དགོན་པའི་ཕྱག་མཛོད་བགྲེས་པ་དང་གྲོང་ཚོའི་ལས་བྱེད་པ་གཉིས་ཀྱི་གྱོད་དོན་གཞུང་ཕྱོགས་གྱོད་ཞིབ་པར་རྩིས་སྤྲད་ཟིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎