རྒྱ་དར་བསྒྲེངས་དགོས་པའི་བཙན་བཀའ།


2013-10-18
Share
བོད་མདོ་སྨད་གཅན་ཚ་ཕྱོགས་ཀྱི་བོད་མའི་ཁྱིམ་ཚང་གི་སྒོའི་སྟེང་རྒྱ་དར་བསྒྲེངས་དགོས་པའི་བཙན་བཀའ་བཏང་བ། བོད་མདོ་སྨད་གཅན་ཚ་ཕྱོགས་ཀྱི་བོད་མའི་ཁྱིམ་ཚང་གི་སྒོའི་སྟེང་རྒྱ་དར་བསྒྲེངས་དགོས་པའི་བཙན་བཀའ་བཏང་བ
པར། བོད་ནས་བཏང་བ།

ས་གནས་རྒྱ་ནག་གཞུང་གིས་འབྲེལ་ཡོད་ཚན་པས་བོད་མདོ་སྨད་གཅན་ཚ་ཕྱོགས་ཀྱི་བོད་མའི་ཁྱིམ་ཚང་གི་སྒོའི་སྟེང་རྒྱ་དར་བསྒྲེངས་དགོས་པའི་བཙན་བཀའ་བཏང་བར་ས་གནས་བོད་མི་ཚོར་འདོད་པ་ཡོང་གི་མེད་པ་རེད་འདུག

བོད་ནས་འདི་གར་གནས་ཚུལ་འབྱོར་དོན། ཟླ་འདིའི་ཚེས་༡༣ཉིན་བོད་མདོ་སྨད་མཚོ་སྔོན་ཞིང་ཆེན་རྨ་ལྷོ་ཁུལ་གཅན་ཚ་རྫོང་མཚོ་དྲུག་ཞང་མཚོ་རྒན་ཁུག་སྡེ་བའི་ནང་། འབྲེལ་ཡོད་མགོ་ཁྲིད་ཁག་གཅིག་ལྟ་སྐོར་དུ་ཡོང་གི་ཡོད་ཚུལ་བཤད་དེ། ས་གནས་བོད་མིའི་ཁྱིམ་ཚང་གི་ཁང་པའི་ཡང་སྟེང་དང་། སྒོ་འགྲམ་སོགས་སུ་རྒྱ་ནག་གི་རྒྱལ་དར་བསྒྲེངས་དགོས་པའི་བཙན་བཀའ་བཏང་བར་ས་གནས་མི་མང་གིས་མི་འདོད་པའི་རྣམ་འགྱུར་བསྟན་ཡོད་འདུག

འོན་ཀྱང་གནས་ཚུལ་ངོ་སྤྲོད་པས་བརྗོད་དོན། སྡེ་བའི་ཧྲུའུ་ཅི་བསོད་ནམ་སྐྱབས་དང་། ཡུལ་ཚོའི་དཔོན་པོ་དག་ཡོང་ནས་ས་གནས་ཀྱི་ཁྱིམ་ཚང་༣༠༠ ལྷག་ལས་ཁྱིམ་ཚང་ ༡༥ ཁང་པའི་ཡང་སྟེང་དང་སྒོ་འགྲམ་སོགས་སུ་རྒྱ་ནག་གི་རྒྱ་དར་བསྒྲེངས་འཛུགས་བྱས་ཡོད་པ་དང་། ཁྱིམ་ཚང་གཞན་རྣམ་གྱིས་རིམ་པས་རྒྱལ་དར་བསྒྲེངས་འཛུགས་བྱ་དགོས་ཚུལ་བཤད་འདུག

དེའི་ཐད་ས་གནས་བོད་མི་ཞིག་གིས་ཡིག་ཐོག་ནས་བསམ་ཚུལ་བསྐུར་དོན། ངེད་སྡེ་བའི་ཁྱིམ་ཚང་འགའི་ཁང་ཐོག་ལ་རྒྱ་དར་བསྒྲེངས་སོང་། མི་རིགས་ཀྱི་ཞབས་འདྲེན་རེད། ངས་ནི་འཆི་དགོས་ཀྱང་མི་འཛུགས་ཁོ་ཐག་ཡིན་ཅེས་བྲིས་བ་ཕྱི་སྡོད་བོད་མི་བསོད་ནམས་ལགས་བརྒྱུད་འདི་གའི་རླུང་འཕྲིན་ཁང་ལ་འབྱོར་བྱུང་།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།