Хитай коммунистлири хәлқара җамаәт пикри тәйярлашни башливәтти

Довий тор бети 6‏ - айниң 1‏ - күнидин башлап арқа - арқидин 4 парчә мақалә елан қилип "шинҗаң мустәқиллиқ күчлириниң зади қанчилик күчи бар" намлиқ мавзу астида ағзиға кәлгәнни билҗирлашқа башлиди. Шаңгаң" әйнәк гезити нәширияти" җуңго террорчилиққа қарши әскәр орунлаштурди" мавзулуқ китаб нәшр қилди, ‏ - дәп башлайду довий тор бети.
Обзорчимиз сидиқ һаҗи рози
2008-06-20
Share

 Бу китабта мундақ паш қилинған имиш. 20 ‏ - Әсирниң 90‏ - йиллиридин башлап шәрқи түркистан ислам һәрикити тәшкилати барин қораллиқ қозғилиңини тәшкиллигән күндин һесаблиғанда, җуңго шәрқи түркистан террорчилириға зәрбә бериш буйичә 18 йиллиқ мусапини бесип өтти. 11‏ - Сентәбир вәқәсидин кейин, җуңго шәрқи түркистан террорчилириниң паалийәт маканини тарайтти. Бирақ 2007‏ - йилидин башлап шәрқи түркистан террорчи күчлири қайтидин баш көтәрди.

Хитай мустәмликичилири китаб йезип вә тор бәтлири арқилиқ шундақ хәвәр тарқитип хәлқара җамаәт пикри тәйярлап олимпик мурасиминиң һарписида уйғурларни бастурушни йоллуқ бастуруш демәкчи болди. Ундақта, террор дегән немә? дуня техи һазирғичә террор дегән бу уқумға лаяқәтлик тәбир бәргини йоқ. Бүгүн уйғурларға нисбәтән хәлқара принсиплар буйичә ейтқанда,һәрикәтниң ишқа селинған һәр хил вастилири миллий азатлиқ үчүн ташланған түнҗи қәдәмдур. Чүнки, уйғуристан хитайниң мустәмликисидур. Тарих хитайларниң әйни чағда японийигә қарши қораллиқ һәрикитини қандақсигә йоллуқ дәп һөкүм қилған болса, йәнә шу тарих бүгүн уйғурларниң хитайниң миллий һөкүмранлиқиға қарши һәрикитиниму йоллуқ дәп етирап қилиши керәк.

Хитай мустәмликичилири олимпик мәшилини үрүмчидин елип өтти вә қәшқәрдин елип өтти. Усул ойнап қарши алған уйғур әркәклиригә қизил тавардин иштан кийгүзүп қойди. Үрүмчидә уйғурларниң дәризидин бешини чиқиришиғиму рухсәт қилмиди, қәшқәрдә 3нәпәр вәтәндишимизға өлүм җазаси бәрди. Уйғур вәтәндешим, уйғуристан ‏ - бу муқәддәс макан вә җаниҗан уйғур хәлқи тәһликә астида қалди, аллаһниң дини ислам тәһликә астида қалди, уйғур қизлири, уйғур анилар тәһликә астида қалди, алдимиздики 4 - 5 күн ичидә хитай мустәмликичилириниң көчмәнләр һакимийити үрүмчидә сот ичип 65 нәпәр уйғурға һөкүм елан қилип, буниң ичидә 20 нәпәр уйғурға террорчи җинайитини артип өлүм җазаси бәрмәкчи болди. Виҗданиң саңа чақириқ қилиду уйғур, сениң вәтәндешиң мән саңа чақириқ қилимән уйғур! вәтәндашлириңни қутқаз уйғур! тибәтләрниң қозғилиши, әгәр омуми хәлқ қозғалса хитайниң танка, бронивиклириниңму карға кәлмәйдиғанлиқини испатлап бәрди уйғур!

Тибәтләрдә өлүм җазаси йоқ. Чүнки тибәтләр иттипақлашти, тибәтләрдә пиланлиқ туғут йоқ, чүнки,тибәтләр иттипақлашти. Иттипақлиқ күч, иттипақлиқ һоқуқтур, ойған уйғур. Һәр қандақ милләт өзиниң вәтинидә мустәмликичиләргә қарши турушқа һоқуқлуқтур.

Һаҗи қутлуқ шәвқиниң вәтини, абдуқадир дамолламниң вәтини, абдухалиқ уйғурниң вәтини, абдуриһим өткүрниң, зордун сабирниң вәтини тәһликә астида қалди. Ғәни батурниң роһи саңа чақириқ қилди, ойған уйғур, 65 нәпәр қериндишиңни қутқузуп қилиш үчүн қозғал уйғур. Ғәни батур вә униң достлириниң батурлуқи нәдә қалди ? гоминдаң хитайлириниң қолидин һәрбий қорал - ярақни тартип елип азатлиқи үчүн урушқан әзимәтләрниң батурлуқи әнә шу йәрдә иди.

Хитай тәшвиқатлиридики сүрәтләрдин роһи сунған, ирадиси йоқалған, йүрики муҗулған тәмбәл уйғур йигитлирини көрүп туруптимән. Йенидин өтүп кетиватқан әбга хитай әскәр ‏ - сақчилиридин қорқуп титрәватқан уйғурлиримни көрүватимән. Немидин қорқисән уйғур ? қорқуш билән җүрәт қилишниң арилиқи пәқәт бир ғеричла йол уйғур!
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт