Xitay kommunistliri xelq'ara jama'et pikri teyyarlashni bashliwetti

Dowiy tor béti 6‏ - ayning 1‏ - künidin bashlap arqa - arqidin 4 parche maqale élan qilip "shinjang musteqilliq küchlirining zadi qanchilik küchi bar" namliq mawzu astida aghzigha kelgenni biljirlashqa bashlidi. Shanggang" eynek géziti neshiriyati" junggo térrorchiliqqa qarshi esker orunlashturdi" mawzuluq kitab neshr qildi, ‏ - dep bashlaydu dowiy tor béti.
Obzorchimiz sidiq haji rozi
2008-06-20
Share

 Bu kitabta mundaq pash qilin'ghan imish. 20 ‏ - Esirning 90‏ - yilliridin bashlap sherqi türkistan islam herikiti teshkilati barin qoralliq qozghilingini teshkilligen kündin hésablighanda, junggo sherqi türkistan térrorchilirigha zerbe bérish buyiche 18 yilliq musapini bésip ötti. 11‏ - Séntebir weqesidin kéyin, junggo sherqi türkistan térrorchilirining pa'aliyet makanini taraytti. Biraq 2007‏ - yilidin bashlap sherqi türkistan térrorchi küchliri qaytidin bash köterdi.

Xitay mustemlikichiliri kitab yézip we tor betliri arqiliq shundaq xewer tarqitip xelq'ara jama'et pikri teyyarlap olimpik murasimining harpisida Uyghurlarni basturushni yolluq basturush démekchi boldi. Undaqta, térror dégen néme? dunya téxi hazirghiche térror dégen bu uqumgha layaqetlik tebir bergini yoq. Bügün Uyghurlargha nisbeten xelq'ara prinsiplar buyiche éytqanda,heriketning ishqa sélin'ghan her xil wastiliri milliy azatliq üchün tashlan'ghan tünji qedemdur. Chünki, Uyghuristan xitayning mustemlikisidur. Tarix xitaylarning eyni chaghda yaponiyige qarshi qoralliq herikitini qandaqsige yolluq dep höküm qilghan bolsa, yene shu tarix bügün Uyghurlarning xitayning milliy hökümranliqigha qarshi herikitinimu yolluq dep étirap qilishi kérek.

Xitay mustemlikichiliri olimpik mesh'ilini ürümchidin élip ötti we qeshqerdin élip ötti. Usul oynap qarshi alghan Uyghur erkeklirige qizil tawardin ishtan kiygüzüp qoydi. Ürümchide Uyghurlarning derizidin béshini chiqirishighimu ruxset qilmidi, qeshqerde 3neper wetendishimizgha ölüm jazasi berdi. Uyghur wetendéshim, Uyghuristan ‏ - bu muqeddes makan we janijan Uyghur xelqi tehlike astida qaldi, allahning dini islam tehlike astida qaldi, Uyghur qizliri, Uyghur anilar tehlike astida qaldi, aldimizdiki 4 - 5 kün ichide xitay mustemlikichilirining köchmenler hakimiyiti ürümchide sot ichip 65 neper Uyghurgha höküm élan qilip, buning ichide 20 neper Uyghurgha térrorchi jinayitini artip ölüm jazasi bermekchi boldi. Wijdaning sanga chaqiriq qilidu Uyghur, séning wetendéshing men sanga chaqiriq qilimen Uyghur! wetendashliringni qutqaz Uyghur! tibetlerning qozghilishi, eger omumi xelq qozghalsa xitayning tanka, broniwikliriningmu kargha kelmeydighanliqini ispatlap berdi Uyghur!

Tibetlerde ölüm jazasi yoq. Chünki tibetler ittipaqlashti, tibetlerde pilanliq tughut yoq, chünki,tibetler ittipaqlashti. Ittipaqliq küch, ittipaqliq hoquqtur, oyghan Uyghur. Her qandaq millet özining wetinide mustemlikichilerge qarshi turushqa hoquqluqtur.

Haji qutluq shewqining wetini, abduqadir damollamning wetini, abduxaliq Uyghurning wetini, abdurihim ötkürning, zordun sabirning wetini tehlike astida qaldi. Gheni baturning rohi sanga chaqiriq qildi, oyghan Uyghur, 65 neper qérindishingni qutquzup qilish üchün qozghal Uyghur. Gheni batur we uning dostlirining baturluqi nede qaldi ? gomindang xitaylirining qolidin herbiy qoral - yaraqni tartip élip azatliqi üchün urushqan ezimetlerning baturluqi ene shu yerde idi.

Xitay teshwiqatliridiki süretlerdin rohi sun'ghan, iradisi yoqalghan, yüriki mujulghan tembel Uyghur yigitlirini körüp turuptimen. Yénidin ötüp kétiwatqan ebga xitay esker ‏ - saqchiliridin qorqup titrewatqan Uyghurlirimni körüwatimen. Némidin qorqisen Uyghur ? qorqush bilen jür'et qilishning ariliqi peqet bir ghérichla yol Uyghur!
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet