Qurban tulum ölüwidi, sabir tulum otturigha chiqti

Büyük ira tor béti 2008‏ - yili 6‏ - ayning 14‏ - küni 38 milyondin artuq partiye ezasining xitay kommunistik partiyisidin chékinip chiqqanliqini élan qildi. Lénin, stalin junggoluqqa qurup bergen bu partiye - kommunistik partiye bügün aldamchiliqning simwoli, tarixiy acharchiliqning simwoli, tarixiy we ri'al qatilliqning simwoli, puqralarni stalinche basturushning simwoli bolup qaldi.
Obzorchimiz sidiq haji rozi
2008-06-24
Share

 Junggo kommunistik partiyisi, markis tüzüp bergen kommunistlar xitabnamisining rohigha mas kelmeydighan bir partiye bolup qaldi. Junggoning hazirqi emeliy ehwaligha maslashturup bu partiye yaki partiyining programmisini özgertmidi yaki nam sheripini özgertmidi. Bu partiye xelqchilliqni chörüwétip, milletchilik bilen partiyiwiylikni birleshtürgende, 3‏ - ayda mustemlikiliri Uyghuristanda we tibette basturushni yolgha qoyghandin kéyin sépi özidin milletchi partiye, mustemlikichi partiye ikenlikini ashkarilap qoydi.

Otyaq kentige dadüyjang bolushni könglüngge pükkenmu ?

Xitay kommunistik partiyisi soghaq munasiwetler urushidin kéyin, döletchilik bilen milletchilikni, döletchilik bilen darwinizmni birleshtürüp, mustebitizmliq dölet siyasitini hem tashqi siyasetning, hem ichki siyasetning wastisigha aylandurdi. Shundaq peytte kommunistik partiyige hemdepne bolushni xalimighan oyghan'ghan xitay puqraliri bu partiyidin chékinishke bashlighanda, kommunistik partiyining pachiqini quchaqlap way anam partiye, way dadam partiye deydighan, Uyghur tilliq ikkinchi qurban tulum yeni sabir otyaq tulum mustemlike Uyghuristanda otturigha chiqti.

2008‏ - Yili 6‏ - ayning 13‏ - küni" diyarim" tor bétige kompartiye dégen isim bilen bille chiqqan ikkinchi qurban tulum yüsüpjan sabir otyaq mundaq dédi: "kommunistik partiye toghra yolgha bashlaydu", " teripingni alemge yetküzümen partiyem", " partiye el ishqini nishan qilip közleydu." Xosh, "bu partiye tarixi we ri'al xordarliq beshirisini pütün alemge yetküzüp bolghan tursa, sen yetküzmekchi bolghan yene qandaq teripi bar idi bu partiyining? aq bilen qarini saplaydighan partiyem", deydu, qelib tapshurghuchi. Kommunistik partiyining hökümranliqi astida aq néme, qara zadi néme? "parixorni waqtida baplaydighan partiyem", junggoda parixor kim, yüsüpjan sabir otyaq ependi? parixor, xiyanetchi, kommunistik partiyimu yaki bashqa birsimu? parixorluq bilen xushametchilik bir nersining ikki teripidur. Parixor emeldarlar tamagha ötkendek, xushametchiler para bérishke bashlaydu. Sining partiyige eza bolup kirish xiyaling ghaljirliq derijisige kötürülgende, medhiyewazliq bilen xushamet qilip,otyaq kentige dadüyjang bolushni könglüngge pükkenmu néme?

Xitay köchmenliri bu kishining bir qosaq qérindishimidi

Kommunistik partiye junggoda axirqi ömrini yashawatqan partiyidur. Shunga axirqi zorawanliqini yolgha qoyghan partiye bolup qaldi. Mesilen, nyuyork shehiride jasusliri arqiliq falun'gungchilargha zorawanliq ishletkenliki delillen'gen pakit bolup qaldi. Kommunistik partiye junggo iqtisadining jan tomurini monopol qiliwélip, junggo puqralirining aqarghan söngekliridin junggoda ötkünchi kapitalizmni berpa qilip, bu partiye özining ichki qismida dellal burzhu'aziyini terbiyilewatqan partiye bolup qaldi.

20‏ - Esirning 40‏ - yillirida xitayning gomindang partiyisi, junggoda dellal burzhu'aziyini terbiyilep chiqishqa mejbur bolup qalghanda, dellal burzhu'aziye chet'elge béqinip qalghanda, gomindang partiyisiningmu, jang wiyiyu'enjangningmu junggoda sözi ötmes bolup qalghan we axiri aghdurulghan idi. Yüsüpjan sabir otyaq ependi, "milletler ittipaqliqi", kompartiye toghrisida yürikini yérip turup insha we qoshaqlarni yazghanda " qérindishim" dégen sözni ishletken. Xitay köchmenliri bu kishining bir qosaq qérindishimidi yaki ana bir, dada bashqa yaki dada bir, ana bashqa qérindishimidi, bilelmey qalduq! bu kishining dadisi sabiraxunmidi yaki sa xéshangmidi?

Bu kishi Uyghur tilini haqaret qildi

Emdi bügün xitay kompartiyisini medhiyiligende bu kishi Uyghur tilini haqaret qildi. Türmilerde gunahsiz yétiwatqan Uyghurlarning, pilanliq tughut siyasitining obyéktigha aylinip, opératisye qilin'ghan, haqaretlen'gen Uyghur ayallirining, qosh tilliq ma'aripning mejburlishigha mehkum bolup gacha bolup qalghan Uyghur gödeklerning uwaligha qarshi, yüsüpjan sabir otyaq ependi " ömür buyi partiyining qoynida yashisam," dédi.

Partiye, bu abistirakit isim konkrétlashturghanda xu jintaw partiye, win jyabaw partiye, wang léchüen partiye bolidu. Otyaq ependi qaysi birining qoynida yétishni tallap alghanliqi toghrisida hazirghiche bir néme démidi, qarighanda bu teripi mexpiy bolsa kérek.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet