5-Féwral ghulja weqesi mezgilidiki sheherlik yéngi hayat türmisi

5-Féwral ghulja weqeside xitay hökümitining Uyghur yashlirini keng kölemlik tutqun qilish we qiyin-qistaqqa élishida muhim rol oynighan türmilerdin asasliqi ili oblastliq saqchi türmisi, bingtu'en qarmiqidiki 4-déwiziye türmisi, chapchal su türmisi we ghulja sheherlik yéngi hayat türmisi qatarliqlar bar.

Ilgiri amérikining güentanamu türmiside yatqan, hazir shwétsiyide yashawatqan adiljan hakim xitay saqchiliri teripidin qanunsiz tebligh pa'aliyitige qatnashqan dégen guman bilen 5-féwral küni chüshtin kéyin tutulup 5 kün, andin yene arqa-arqidin 2 qétim tutulup 18 kün we 36 kün, her qétim tutulghanda oxshashla ghulja sheherlik yéngi hayat türmisige solan'ghan 5-féwral shahitlirining biri. U ziyaritimizni qobul qilip ghulja sheherlik yéngi hayat türmisini wehshiy türmilerning biri dep teriplidi we bu türmining qiynash usullirini anglatti.

1997-Yili ghuljida yüz bergen 5-féwral ghulja weqesining aldi-keynide, keng kölemlik tutqun qilish jeryanida ghulja sheherlik yéngi hayat türmisige solan'ghan Uyghur yashlirining arisida yene, ilgiri amérikining güentanamu türmiside yatqan, hazir albaniyide yashawatqan ababekri obulqasimmu bar idi.

Hazir kanadada yashawatqan yene bir öz isim-sheripisini ashkarilashni xalimaydighan shahitning bildürüshiche, 5-féwral ghulja weqeside yéngi hayat türmisige qamalghan nurghunlighan Uyghur yashliri jaza mudditi toshup, qoyup bérilgende normal ademdek bolalmighanliqini ilgiri sürdi.

Tepsilatini yuqiridiki ulinishtin anglighaysiler.