Дуня ислам һәмкарлиқ тәшкилати инсан һәқлири даимий комитетиниң 2-нөвәтлик йиғини әнқәрәдә башланди

Дуня ислам һәмкарлиқ тәшкилати инсан һәқлири даимий комитетиниң 2-нөвәтлик йиғини әнқәрәдә рәсмий башланди.
Ихтиярий мухбиримиз әркин тарим
2012-08-28
Елхәт
Пикир
Share
Принт
Түркийә ташқи ишлар министири әхмәт давутоғлу(оңда) вә ислам һәмкарлиқ тәшкилати баш секретари әкмәләттин еһсаноғлу(солда) дуня ислам һәмкарлиқ тәшкилати инсан һәқлири даимий комитетиниң 2-нөвәтлик йиғинида сөз қилди. 2012-Йили авғуст, әнқәрә.
Түркийә ташқи ишлар министири әхмәт давутоғлу(оңда) вә ислам һәмкарлиқ тәшкилати баш секретари әкмәләттин еһсаноғлу(солда) дуня ислам һәмкарлиқ тәшкилати инсан һәқлири даимий комитетиниң 2-нөвәтлик йиғинида сөз қилди. 2012-Йили авғуст, әнқәрә.
RFA/Erkin Tarim

Мәзкур тәшкилатниң тарихида тунҗи қетим қурулған битәрәп инсан һәқлири комитетиниң мәзкур йиғиниға түркийә дипломатийә министири әхмәт давутоғли билән ислам һәмкарлиқ тәшкилати баш секретари әкмәләттин еһсаноғли қатнашти вә сөз қилди. Әкмәләттин еһсаноғли ечилиш нутқида алди билән бу йиғинға саһибханилиқ қилған түркийә дипломатийә министири әхмәт давутоғлиға рәһмәт ейтқандин кейин, мәзкур йиғинниң түркийидә чақирилишиниң түркийиниң инсан һәқ-һоқуқиға қанчилик дәриҗидә әһмийәт беридиған бир дөләт икәнликини көрситип бәргәнликини тәкитлиди. У, сөзидә йәнә, түркийиниң дуня ислам һәмкарлиқ тәшкилатиға әза дөләтләрниң ичидә инсан һәқ-һоқуқлирини қоғдаш җәһәттин әң алдинқи қатарда туридиғанлиқини илгири сүрди.

Дуня ислам һәмкарлиқ тәшкилати инсан һәқлири даимий комитетиниң 2-нөвәтлик йиғинидин көрүнүш. 2012-Йили авғуст, әнқәрә.
Дуня ислам һәмкарлиқ тәшкилати инсан һәқлири даимий комитетиниң 2-нөвәтлик йиғинидин көрүнүш. 2012-Йили авғуст, әнқәрә. RFA/Erkin Tarim

Әкмәләттин еһсаноғли сөзидә йәнә түркийиниң ислам дунясидики демократийә билән башқурулуватқан бир дөләт болуш сүпити билән түркийиниң ислам дунясида ойнаватқан ролиниң нурғун дөләтләрниң алқишиға еришиватқанлиқини тәкитлиди.

Әкмәләттин еһсаноғли ечилиш нутқида бу қетимқи йиғинда музакирә қилинидиған мәсилиләр һәққидә тохтилип мундақ деди:
«Бу йиғинда сүрийә, мямма, пәләстин вә малида йүз бериватқа инсан һәқлири җәһәттики вәһимилик вәзийәт һәққидә музакирә елип баримиз. Бу музакиригә инсан һәқлири комитетиниң әзалиридин башқа бәзи мутәхәссисләрму тәклип бойичә қатнишиватиду. Бу җәһәттин елип ейтқанда йиғинниң әһмийити толиму зор.»

Дуня ислам һәмкарлиқ тәшкилати дунядики пүтүн ислам дөләтлири әзалиқидики әң чоң хәлқара тәшкилатларниң бири болуп, тунҗи қетим өткән йилиниң ахирида битәрәп инсан һәқлири даимий комитетини қурған иди. Даимий комитетниң 10 әзаси бар болуп, буларниң ичидә төт нәпири аял икән. Ислам һәмкарлиқ тәшкилати баш секретари әкмәләттин еһсан оғлиниң ейтишичә бу комитет пүтүн дунядики мусулманлар дучар болуватқан инсан һәқ-һоқуқ дәпсәндичиликини тәкшүрүп тәтқиқ қилиш арқилиқ доклат тәйярлап мунасивәтлик әлләрниң һөкүмәтлири билән алақә орнитип, дуняниң һәрқайси җайлиридики мусулманлар дучар болуватқан диний әркинликни боғуш сиясәтлирини әмәлдин қалдурушқа тиришидикән. Бу даимий комитет дунядики демократик дөләтләр вә инсан һәқлири тәшкилатлириниң қоллап қуввәтлишигә еришкән болуп, ислам һәмкарлиқ тәшкилатиға вакалитән 9-айда нюйоркта чақирилидиған йиллиқ йиғин билән 11-айда җибутида чақирилидиған дуня ташқи ишлар министирлири йиғиниға қатнашмақчикән.

Ундақта, бу тәшкилат уйғур мусулманлириниң мәсилилиригә қандақ қарайду? шәрқий түркистан аммиви тәшкилатлириниң ислам һәмкарлиқ тәшкилати инсан һәқлири даимий комитети билән алақиси барму? бу һәқтә көз қарашлирини елиш үчүн шәрқий түркистан аммиви тәшкилатлириниң мәсуллири билән телефон сөһбити елип бардуқ.

Пикирләр (0)
Share
Толуқ бәт