Уйғур мәдәнийәт - сәнити хәлқара фестивалда көрситилмәктә

Әнқәрәниң әтимәсқут районида 7 - нөвәтлик хәлқаралиқ анатолийә мәдәнийәт вә сәнәт фестивали өткүзүлмәктә. 9 - Айниң 17 - күнидин 26 - күнигичә өткүзүлидиған бу фестивалға түркийидин 23 җәмийәт вә вәхип һәмдә оттура асия түркий җумһурийәтлири вә башқа түркий милләтләрниң вәкиллири қатнашмақта.
Мухбиримиз әркин тарим
2010.09.20
Share on WhatsApp
Share on WhatsApp
Uyghur-medeniyet--seniti-xelqara-estiwalda-Uyghur-bolumi-305 Сүрәт, 9 - айниң 17 - күнидин 26 - күнигичә әнқәрәниң әтимәсқут районида елип бериливатқан 7 - нөвәтлик хәлқаралиқ анатолийә мәдәнийәт вә сәнәт фестивалиға қатнишиватқан уйғур өмикиниң көргәзмә бөлүмидин көрүнүш.
RFA Photo / Erkin Tarim

17 - Чесла даңлиқ нахшичи давут гүлоғлиниң консерти билән башланған фестивал 26 - чесла даңлиқ нахшичи сибәлҗанниң консерти билән ахирлашмақчи. Фестивалда түркийиниң һәрқайси вилайәтлири, түркий җумһурийәтләр вә башқа түркий милләтләр мәхсус бөлүм ечип, өз мәдәнийитини вә сәнитини тонутмақта.

Булардин башқа йәнә һәр күни түркийиниң икки вилайити билән бир түркий җумһурийәт өзлириниң сәнәт номурлирини көрсәтмәктә. Уйғурлар 9 - айниң 22 - күни уйғур нахша - усуллириниң өрнәклирини көрсәтмәкчи.
  
Uyghur-medeniyet--seniti-xelqara-estiwalda-rayon-bashlighi-305
Сүрәт, әнқәрә әтимәсгут районлуқ һөкүмәтниң башлиқи әнвәр дәмирел әпәнди уйғур бөлүмидә меһман болуватқан көрүнүш.
RFA Photo / Erkin Tarim
 
Әнқәрәниң әтимәсқут районида өткүзүлүватқан 7 - нөвәтлик хәлқаралиқ анатолийә мәдәнийәт вә сәнәт фестивалидики бөлүмләр ичидә уйғур бөлүми әң бай мәзмунға игә болуп, бу йәрдә уйғурларниң сәнити, мәдәнийити вә бүгүнки вәзийити тонутулмақта. Бу бөлүмләрни һәр күни 7 - 8 миң кишиниң зиярәт қиливатқанлиқи пәрәз қилинмақта.

Юқиридики аваз улинишидин, нәқ мәйдандин берилгән бу һәқтики мәлуматимизниң тәпсилатини аңлайсиләр.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт