"Yipek yoli tarim" ashxanisi yaponiyiliklerning yaxshi bahasigha érishken

Bir milletning yémek-ichmek kültüri, u milletni dunyagha tonutushtiki eng muhim wasitilerdin biri. Yéqinqi yillardin béri Uyghurlarning chet'ellerge chiqishi bilen birlikte chet'ellerdiki Uyghur ashxanilirining sanimu köpeymekte.
Ixtiyariy muxbirimiz erkin tarim
2012-06-13
Élxet
Pikir
Share
Print
Tokyo shehiridiki "Yipek yoli tarim" réstoranining aldi körünüshi. 2012-Yili may.
Tokyo shehiridiki "Yipek yoli tarim" réstoranining aldi körünüshi. 2012-Yili may.
RFA/Erkin Tarim

Dunyaning eng chong sheherliridin biri bolghan yaponiyining tokyo shehiridiki "Yipek yoli tarim" réstorani 2 yil burun échilghan bolup, lezzetlik Uyghur tamaqliri bilen yaponiyilik xéridarlarning yaxshi bahasigha érishken.yipek-yoli-tarim-385.jpg

Biz ötken ay yaponiyidiki waqtimizda ashxanida ghizalanduq we ashxana xojayini sirajidin kérim ependi bilen bu ashxana heqqide söhbet élip barduq. U bizge bu réstoranning dunyaning eng chong sheherliridin nyu-york, fransiyining paytexti parizh, rusiyining paytexti moskwa we türkiyining istanbul sheherliride échilghan Uyghur ashxaniliridin kéyin échilghan ashxana bolup, Uyghur tamaq kültürini shundaqla Uyghurlarni yaponiyiliklerge tonutushta muhim rol oynawatqanliqini dédi.yipek-yoli-restoran-hojayin-sirajidin-kerim-385.jpg

U Uyghur ashxanilirining dunyada köpiyishi kéreklikini, emma buning aldidiki eng chong tosalghuning Uyghur ashpezlerni chet'elge élip chiqishning qiyinliqida ikenlikini bayan qilip ötti.

"Yipek yoli tarim" ashxanisi yaponiyining tokyo shehirining shinsu rayonida 2010-yili 5-ayning 10-küni échilghan bolup, ashxanining ichi pütünley Uyghur en'enisi boyiche bézelgen. Buningdin bashqa ashxanining ichige Uyghurlarning kiyim-kéchekliri chalghu-eswabliri we Uyghurlar tonutulghan kitablar qoyulghan.

Toluq bet