7 Дөләт гуруһи хитайниң “шинҗаңдики һәрикәтлири” дин әндишә қиливатқанлиқини билдүргән

Мухбиримиз әркин
2021-12-13
Share

11 Вә 12-декабир күнлири әнглийәниң левирпол шәһиридә ‍өткүзүлгән G-7, йәни санаәтләшкән 7 дөләт ташқи ишлар министирлириниң йиғини хитайни агаһландуруп, униң “зорлаш характерлик иқтисади сиясити”, уйғур ели вә хоңкоңдики һәрикәтлиридин әндишә қиливатқанлиқини билдүргән. Әнглийә ташқи ишлар министири лиз трусниң билдүрүшичә, икки күнлүк йиғинда хоңкоң вә уйғурлар мәсилисини өз ичигә алған “бир қатар мәсилиләр вә хирислар” музакирә қилинған.

Лиз трус, министирларниң йәнә бейҗиңниң шәрқий вә җәнубий деңиздики һәрикәтлирини музакирә қилғанлиқи, “тәйвән боғузида тинчлиқ вә муқимлиқни қоғдашниң муһимлиқи” ни тәкитлигәнликини ейтқан. “муһапизәтчи” гезитиниң хәвәр қилишичә, лиз трус йиғинниң алдида мухбирларға уйғурлар тоғрилиқ сөз қилип, “ирқий қирғинчилиқ мәсилиси сотниң иши болсиму, бирақ мән уйғурларға қаритилған қорқунчлуқ кишилик һоқуқ дәпсәндичиликидин интайин әндишә қилимән. Мән буни хитай баш әлчисигә ейттим” дегән.

Йиғинда тәрәпләр йәнә технологийәни тоғра ишларға ишлитиш, хитайниң сахта учуриға қарши бирлишип һәрикәт қилиш, униң қәрз қилтиқиға чүшүп қалған дөләтләргә ярдәм қилиш мәсилилириниму музакирә қилған. Шундақла йәнә йиғин русийәни украина мәсилисидә агаһландурған. Йиғинниң баянатида, русийәниң украинаға һуҗум қилса “еғир ақивәткә” қалидиғанлиқи тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт