Әнглийә BBC мухбирлири уйғур дияридики лагерларниң ички маһийитини ашкарилиди

Мухбиримиз сада
2019-06-18
Елхәт
Пикир
Share
Принт

Йеқинда уйғур дияридики аталмиш «техника тәрбийиләш мәктипи» дә зиярәттә болған әнглийә радио BBC агентлиқи мухбири җон садвон бу җайлардики «сахтилиқ» ларни байқап, буниң хитай һөкүмити тәшвиқ қилғандәк нормал җай әмәсликини испатлап чиққан.

BBC Ниң 17-июн күни елан қилған син хәвиридә дейилишичә, хитай даирилири мухбирларни бу «мәктәп» ләрни уларниң назарити астида зиярәт қилишқа тәклип қилған. Зиярәт давамида җон садвон бу җайда «тәрбийәлиниватқанлар» ниң компютерида «мән җуңго коммунистик партийәсини сөйимән», «мән бәш юлтузлуқ қизил байрақни сөйимән». . . Дегәндәк җүмлиләрни йезип олтурғанлиқини көргән. 
Җон садвон «оқутқучи» лардин бу «оқуғучилар» ниң немә сәвәбтин бу җайға кәлгәнликини сориғинида, уларниң «ашқун идийә» билән юқумланғанлиқини, уларниң өзлири халап бу йәргә тәрбийәлинишкә кәлгәнликини илгири сүргән. Қизиқ йери «тәрбийәләнгүчиләр» бу йәргә өзиниң халап кәлгәнликини қайта-қайта әскәрткән. 

Мәзкур син хәвиридә тилға елинған йәнә бир муһим нуқта лагерларни қоршап турған көзитиш мунаридур. Җон садвонниң билдүрүшичә, лагерларниң илгири тартилған сүний һәмраһ сүритидә әтрапта көплигән «көзитиш мунари» бар болуп, мухбирлар бу җайға зиярәткә келиштин бир нәччә күн аввал бу мунарлар еливетилгән. Әтраптики қуруқ бир йәр тәнһәрикәт мәйданиға өзгәртилип, мухбирлар кәлгәндә «оқуғучилар» һәрхил тәнһәрикәт паалийәтлири билән шуғулланған.

Син хәвиридики қизиқ нуқтиларниң йәнә бири шуки, җон садвон хитай даирилириниң назаритисиз мәктәпниң кәйнидики бир җайни көргили барғинида, мунасивәтлик кишиләр тәрипидин синға елиши чәкләнгән. 

Җон садвон юқири нуқтилардин хитай һөкүмитиниң чәтәл мухбирлири үчүн «сахта мәйдан» ясиғанлиқини ейтип өткән.

Пикирләр (0)
Share
Толуқ бәт