Дәрһал даваланған әйдиз юқумдарлирида әмәлий давалаш үнүми көрүлгән

Йеңидин елан қилинған тәтқиқат нәтиҗисигә қариғанда, әйдиз вируси билән юқумлинипла дәрһал даваланған бир қисим кишиләрдә әмәлий давалаш үнүми көрүлгән.

Франсийәдики алим - тәтқиқатчилар әйдиз вируси билән юқумланғандин кейинла даваланған 14 бимар үстидин клиникилиқ тәкшүрүш елип барған.

Нәтиҗидә, бу кишиләр әйдизгә қарши дориларни ишлитиштин тохтиған болсиму, буларда 7 йилғичә әйдиз вируси қайта қозғилидиған әһвал көрүлмигән.

Америкидики CBS ахбарат қанилиниң хәвәр қилишичә, мәзкур тәтқиқат нәтиҗиси франсийәдә чиқидиған “плос патогенс” илмий журнилида елан қилинған.

Бу хәвәр америка миссисипи штатида бир әйдиз юқумдари бовақниң туғулуп, 30 саәт ичидә давалаш қобул қилғанлиқи үчүн әйдиздин тамамән қутулғанлиқи һәққидики хәвәр елан қилинип, узун өтмәй оттуриға чиқти.

Франсийәдики нәкәр дохтурханиси вә париж дәскартес университети профессори кристинә розиокс бу һәқтә тохтилип: бу бимарларни дәрһал давалаш вирусниң тәрәққиятини тизгинлигән болуши, вирусниң шәкил өзгәртишини чәкләп, иммунитет системисиниң үнүмлүк инкас қайтуруш иқтидарини сақлап қалған болуши мумкин, деди.

Униң билдүрүшичә, бу бимарлардики әйдиз вируси җуғланмилириниң қисқириши бу җәһәттә әмәлий давалаш үнүмигә еришәлигәнликидин дерәк беридикән.

Уйғур елиму хитай бойичә әйдиз билән юқумлиниш дәриҗиси әң юқири районларниң бири. Бәзи тәтқиқатчилар уйғурлардики әйдиз кризисиниң бу қәдәр юқири болушида, әйдизгә сәл қараш, илмий муамилә қилмаслиқ, үмидсизлинип йошуруш қатарлиқ амилларниңму рол ойниғанлиқини көрсәткән иди.

Франсийәдә байқалған бу бөсүш характерлик давалаш нәтиҗиси уйғур әйдиз юқумдарлириғиму үмид елип кәлгүси.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар