Америка хитайниң алюмин мәһсулатлирини уйғур мәҗбурий әмгикигә четишлиқ болғанлиқи үчүн қара тизимликкә алған

Мухбиримиз ирадә
2023.02.02

Америка һөкүмити уйғур мәҗбурий әмгикигә четишлиқ болғанлиқ гумани билән хитайниң алюмин мәһсулатлирини чәкләшкә башлиған.

“блумберг” ториниң бу һәқтики хәвиридә ейтилишичә, америка таможна вә чегра қоғдаш идариси хитайда, болупму уйғур елида ясалған алюмин мәһсулатлирини тутуп қелиш уқтуруши тарқатқан болуп, у асаслиқ машина запчаслирида ишлитилидиған алюминни нишан қилидикән.

Хитай ташқий ишлар министирлиқи американиң қарарини әйиблигән. Хитай ташқи ишлар министерлиқиниң баянатчиси мавниң күндилик ахбарат йиғинида мухбирларниң бу һәқтики соалиға җаваб бәргәндә: “америка шинҗаңда мәвҗут болмиған ирқий қирғинчилиқни баһанә қилди, сода мәсилисини сиясийлаштуруп, тәминләш зәнҗирини муқимсизлаштурди” дегән.

Америка һөкүмити бултур 6-айдин башлап “уйғур мәҗбурий әмгикиниң алдини елиш қануни” ни рәсмий һалда ишқа кириштүргән вә уйғур мәҗбурий әмгики асасида ишләпчиқириливатқан пахта, пәмидур вә йерим өткүзгүч ясашта қоллинилидиған полисиликон (polysilicon) қатарлиқларни чәклигән иди.

“блумберг” ториниң мухбирлири бу һәқтә уйғур елидики алюмин япрақчиси ишләпчиқиридиған “шинҗаң дунявий бирләшмә ширкити”, “шәрқ үмид горуһи ширкити” вә “тәңритағ алюмин гуруһи” ширкәтлиригә телифон қилған болсиму, әмма улардин һечқандақ бир инкас алалмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.