Америка филиппинға 4 типлиқ күрәшчи айропилан вә 120 һәрбий хадим әвәтти

Мухбиримиз җүмә
2016.06.19
Share on WhatsApp
Share on WhatsApp

Филиппин хитай үстидин хәлқара сотқа суған территорийә шикайәтниң нәтиҗиси чиқиштин илгири, америка 4 данә електронлуқ уруш қилиш иқтидариға игә AE - 18 G “гровлер” типлиқ күрәшчи айропилан вә 120 һәрбий хадимни филиппинға әвәткән.

Мәлум болушичә, бу һәрбий айропилан вә хадимлар 15 - июн филиппинниң лузон арилиға җайлашқан америка кларк һава армийә базисиға келип йәрләшкән.

“җәнубий хитай сәһәр гезити” ниң нәқил қилишичә, америка деңиз армийәси бу һәқтики баянатида, “гровлер” айропиланлириниң хәлқара қанунларға асасән райондики һава вә деңиз тәвәликини қоғдаш һәмдә бу районларға кириш йолиниң раванлиқиға капаләтлик қилишқа қаритилған һәрбий мәшғулатларға һәмдәмдә болидиғанлиқини көрсәткән.

Хитай җәнубий деңизниң мутләқ көп қисмини өзиниң дәп қарап, спрател вә парасел араллири тәвәсидики бир қисим хада ташларни тиндуруп сүний аралларни ясашқа башлиған.

Хитайни бу қилмиши мәзкур деңизға чегрилинидиған филиппин, бируней, малайшия вә вийетнам қатарлиқ дөләтлириң етираз билдүрүшигә учриған.

Униңдин башқа хитай филиппинға қарашлиқ скарборо арилиға йеқин бир җайдиму тәкшүрүшни башлиған, шу вәҗидин филиппин хәлқара сотқа әрз сунған, әмма хитай филиппинниң әрзини етирап қилмайдиғанлиқини билдүргән иди.

Филиппин даирилири бу йил январда америкиға 8 һәрбий базисини өтүнүп беришни қарар қилған. Филиппин һәрбий баянатчисиниң 13 - январ ейтишичә, филиппин дөләтлик алий соти филиппин - хитай арисида шәкиллиниватқан җиддийликни көздә тутуп, вашингтон тәрәп билән түзүлгән бу һәқтики келишимни күчкә игә қилған икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт