Роберт обрайин: «трамп хитай һөкүмитини уйғурларға қарши һәрикити сәвәблик давамлиқ җазалайду»

Мухбиримиз әркин
2020-07-13
Елхәт
Пикир
Share
Принт

Америка дөләт хәвпсизлики мәслиһәтчиси роберт обрайин 12-июл «вашингтон почтиси» гезитидә мақалә елан қилип, президент трампниң хитай һөкүмитини уйғурларға қарши һәрикити сәвәблик давамлиқ җазалайдиғанлиқини билдүргән.

Роберт обрайин мақалисидә трамп һөкүмитиниң йеқинқи күнләрдики һәрикити бу дәпсәндичиликкә қатнашқан хитай әмәлдарлириниң америкаға киришини тосуш қатарлиқларни өз ичигә алғанлиқини билдүргән. У, президент трампниң йәнә уйғурларни мәҗбурий әмгәккә селип ишләпчиқирилған мәһсулатларниң қанунсиз импорт қилинишини тосушқа һәрикәт қилғанлиқи, «бу хил кишилик һоқуқ дәпсәндичилики давамлашсила трамп һөкүмитиниң буниңға җаваб қайтуридиғанлиқи» ни билдүргән.

Роберт обрайинниң тәктилишичә, хитай компартийәсиниң пәлсәпәсидә шәхсниң һечқандақ қиммити йоқ болуп, униң нәзәридә «шәхс пәқәт коллектип миллий дөләтниң мәқситигә йетиштики қорали» икән. У «бу пәлсәпә хитай компартийәсиниң пүтүн шинҗаңдики уйғур вә башқа түркий мусулманларға қаратқан қорқунчлуқ бастурушини чүшинишкә ярдәм беридиғанлиқи» ни тәкитлигән.

Роберт обрайин мақалисидә хитай компартийәси мусулманларни лагерларға қамапла қалмай, шинҗаңни сақчи долитигә айландуруп, кишиләрни юқири техника арқилиқ тәқиплигәнлигәнлики, DNA әвришкисини йиғип, уйғур әркәклирини лагерларға қамиғанлиқи, аилилиригә хитай кадирлирини орунлаштуруп, балиларни йитимханиларға йөткигәнлики, мәсчидләрни чеқип, «қуран» ни қайта шәрһиләшкә киришкәнликини тәкиткигән. У йәнә йеқинқи доклатларда хитай компартийәсиниң уйғур аяллириға қарита туғут контроли, мәҗбурий туғмас қилиш, бала чүрүш, басқунчилиқ вастилирини ишлитип, шинҗаң уйғур аптоном райониниң нупусини өзгәртиватқанлиқи қәйт қилинғанлиқини билдүргән.

У мақалисиниң ахирида «әгәр өткән әсир бизгә бир нәрсә көрситип бәргән болса, у күчлүк дөләтләр қоллиған хәтәрлик идеологийәләрниң яман ғәрәзлик һәрикитиниң өз чөриси ичидә чәклинип қалмайдиғанлиқидур. Шуниң үчүн америка уйғурларға вә бизгә шинҗаңдики һәқиқий әһвални ашкарилашни давамлаштуриду,» дегән.

Пикирләр (0)
Share
Толуқ бәт