Антоний блинкен: "трамп һөкүмити америка-хитай мунасивитиниң кәлгүсигә яхши һүл салди!"

Җов байдин башчилиқидики йеңи нөвәтлик америка һөкүмити иш башлаш һарписида америка ташқи ишлар министириниң намзати болуватқан антоний блинкеин әпәнди "доналд трампниң хитай һәққидики көзқарашлири бәкму орунлуқ. Хитай һазир шинҗаңда қирғинчилиқ қиливатиду" деди.

Ройтерс агентлиқиниң 19-январдики хәвиридә ейтилишичә, антоний блинкен бу һәқтә қилған сөзидә хитайниң һәқиқәтәнму америка үчүн әң еғир тәһдит болуп қеливатқанлиқини, шуңа бундин кейинки хизмәтләр үчүн икки партийә һәмкарлиқиниң әмәлгә ешиши техиму тез болидиғанлиқини алаһидә тәкитлиди. Мухбирлар униңдин "майк помпейониң уйғурлар қирғинчилиққа учраватиду, дегән қарариға сиз қандақ қарайсиз" дәп сориғанда у иккиләнмәстин "бу мениңму қарарим" дегән. Шундақла бу һәқтики тегишлик тәдбирләрни иҗра қилишниң өзи ишқа чүшкән дәсләпки бир ай ичидики муһим ишлар қатаридин орун алидиғанлиқини билдүргән.

Хәвәрдә ейтилишичә, у доналд трамп һөкүмитиниң хоңкоң вә тәйвән мәсилилиридики қарашлириниму муәййәнләштүргән болуп, бу йеңи һөкүмәтниң нөвәттики көп қисим тәдбирләрни техиму юқири сәвийәдә иҗра қилишидин бешарәт, дәп қаралмақта икән. Болупму униң "ши җинпиң һакимийәт бешиға чиққандин буян йошурун һалда өзлириниң хитай чеграсидин һалқиған мәнпәәтлирини әмәлгә ашуруп кәлди" дегән сөзини бир қисим анализчилар нөвәттики америка ташқи сияситиниң чоң җәһәттин өзгәрмәстин давам қилишидин дерәк бериду, дәп қаримақтикән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар