Җәнуби авиатсийә ширкити хаңҗу билән ақсу арисидики һава қатнишини көпәйткән

Мухбиримиз үмидвар
2017-03-12
Елхәт
Пикир
Share
Принт

«Шинҗаң шәһәр гезити»ниң хәвәр қилишичә, җеҗяң өлкисиниң хаңҗу шәһири билән ақсу арисини үрүмчи арқилиқ биваситә туташтуридиған хаңҗу-үрүмчи-ақсу һава қатнишида, 26-марттин етибарән һәр күни икки нөвәтчи айропилан көпәйтиш қарар қилинған. Буниңдин башқа йәнә әслидин бар болған хаңҗу-үрүмчи-ақсу нөвәтчи-айропиланиму давамлиқ қатнайдикән.

Мәлум болушичә, җеҗяң өлкиси ақсуға нуқтилиқ ярдәм беридиған өлкә болуп, җеҗяң өлкиси мәхсус ақсуға ярдәм бериш штаби қурған, техи йеқиндила җеҗяң өлкисидин 9-түркүмдики 400 кадир ақсуға ярдәм бериш үчүн кәлгән иди.

Инкаслардин мәлум болушичә, ақсуда җеҗяңлиқ содигәрләр вә көчмән аһалиләрниң сани көпәйгән болуп, ақсудики көплигән тиҗарәтләрдә җеҗяң өлкисидин кәлгәнләр муһим салмақни игиләйдикән.

Хитайниң «сина»ториниң 2012-йилдики бир парчә мақалисидә көрситилишичә, шу вақитта ақсуда турушлуқ җеҗяңлиқ содигәрләрниң сани 30 миң әтрапида болуп, уларниң ақсуда венҗулуқлар сода җәмийити, җеҗяңлиқлар сода җәмийити қатарлиқ җәмийәтлирини қурулған иди. Ақсудики бу җеҗяңлиқлар меһманхана қуруш, мевә, пахта содиси вә башқа тиҗарәтләрдә муһим салмақни игилигән. Көзәткүчиләрниң ейтишичә, ақсу билән хаңҗу арисида мундақ һәр күни икки нөвәтчи айропилан қатнишини йолға қоюш, җеҗаңлиқларниң еһтияҗидин келип чиққан.

Пикирләр (0)
Share
Толуқ бәт