Aqsu wilayiti boyiche 1 milyon 503 ming mo yer qayta teqsimlesh üchün yighiwélin'ghan

Muxbirimiz irade
2019-12-02
Share

Uyghur rayon da'irilirining nöwette herqaysi jaylardiki térilghu yerlerni qaytidin höddige bériwatqanliqi melum bolmaqta.

-28Noyabir aqsu axbarat torida élan qilin'ghan bir xewerdin qarighanda, da'iriler aqsu wilayitide "Yerlerni retlesh" türi boyiche 1 milyon 503 ming mo yéza yérini qayta retlep, buning 741 ming 300 mosini höddige bergen.

Xewerde da'irilerning "Yerlerni retlesh türi" boyiche tashlinip qalghan yerlerni tüzep, qaytidin höddige bergenliki bayan qilin'ghan. Emma diqqet qozghaydighini, yerler retlen'gendin kéyin, déhqanlarning ammiwi parawanliq ish orunliri bilen teminlinip, ayda ming somluq muqim kirimge ige qilin'ghanliqi bayan qilin'ghan. Biraq xewerde, bu yerlerning kimge höddige bérilgenliki we déhqanlarning yer térish ornigha qandaq orunlarda ayda 1000 yüen ma'ash bilen ishqa séliniwatqanliqi ochuq tilgha élinmighan.

Uyghur aptonom rayonluq hökümet da'iriliri 2018-yili 2-ayda hökümet taratquliri arqiliq xewer tarqitip, Uyghur élining jenubidiki 3 wilayet bir oblast miqyasida jem'iy 4 milyon modin artuq yerni yighiwélip qaytidin teqsimleydighanliqini jakarlighan.

Uyghur élide 2017-yili lagérgha tutqun qilish herikiti bashlinip, a'ililerdiki emgek küchlirini asas qilghan 2 milyon etrapida kishi lagérgha qamalghan peytte "Yerni qayta teqsimlesh" herikiti qozghilishi we ichkiri ölkilerdin köchüp kelgen xitaylarning yer bilen tartuqlinishigha a'it xewerler chet'ellerdiki közetküchilerning küchlük diqqitini qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet