Хитай пүткүл мәмликәт миқясида биңтуәнни өз ичигә алған 12 районда ғайәт зор давалаш мәркизи қурмақчикән

Мухбиримиз ирадә
2021-08-26
Share

"хитай хәвәрләр тори" ниң хәвиригә қариғанда, хитай һөкүмити нөвәттә 12 зор типтики давалаш мәркизи қуруш түрини тәстиқлап, уни пүткүл хитай миқясини қаплайдиған "давалаш мәркизи" гә айландурмақчи икән. Игилинишичә, бу давалаш мәркәзләр келәр йилидин башлап синақ тәриқисидә ишқа кириштүрүлмәкчикән.

Диққәт қозғайдиғини шуки, хитайниң җилин, хейлоңҗяң, җяңши, хәйнән, чуңчиң, гүйҗу, гәнсу, чиңхәй қатарлиқ өлкә-биваситә қарашлиқ шәһәрлири билән тибәт аптоном райони, гуаңши җуаңзу аптоном райони вә ниңшя туңган аптоном районини өз ичигә алған 12 чоң районлуқ давалаш мәркизи қурулуши түригә уйғур аптоном райони әмәс, бәлки "шинҗаң ишләпчиқириш вә қурулуш биңюәни" киргүзүлгән.

Чәт әлләрдики көзәткүчиләр буни хитайниң уйғур аптоном райониниң әмәлий тәсирини чәкләш вә һоқуқ мәркизидин чәтләштүрүш, биңтуәнни тәдриҗий һалда уйғур районидики йетәкчи күчкә вә һәл қилғуч сиясий гәвдигә айландурушниң бир сигнали дәп қаримақта.

Көзәткүчиләр йәнә хитайниң мәмликәт бойичә 12 районда бундақ зор типтики давалаш мәркәзлирини қуруш түриниң арқисида кәлгүсидә техиму зор вә хәвплик болған вирус яки юқумлуқ кесәлликләргә тақабил турушқа тәйярлиқ қилиштәк пиланиниң мәвҗутлуқини тәхмин қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт