Alte neper rus eskiri chéchiniye hujumchiliri teripidin étip öltürülgen

Muxbirimiz qutlan
2017-03-25
Share


Jüme küni seherde rusiyening chéchiniyediki bir herbiy eslihe nuqtisi tuyuqsiz hujumgha uchrap 6 neper rus eskiri étip öltürülgen we birqanchilighan eskerliri yaridar qilin'ghan.

Roytérz agéntliqining bu heqtiki xewirige qarighanda, bir guruppa quralliq hujumchilar jüme küni seherdiki qoyuq tumanliq hawarayidin paydillinip, rus armiyesining melum herbiy eslihe nuqtisini oqqa tutqan.

Igilinishiche, bir qepes qattiq étishwazliqtin kéyin her ikki tereptin ölüsh we yarilinish hadisiliri körülgen. Rus armiyesining ilgiri sürishiche, étishwazliqta chéchin hujumchiliridinmu 6 kishining ölgenliki melum.

1991-Yili sabiq sowétler ittipaqi yimirilgendin kéyin rusiye bilen chéchiniye otturisida ikki qétim chong tiptiki urush partlighan. Putin textke chiqqandin kéyin chéchiniyening musteqilliq herikitige qarita rehimsizlik bilen basturush élip bérip, chéchin qarshiliq körsetküchilirini yer asti heriketke ötüshke mejbur qilghan.

Közetküchiler, bu qétimliq tuyuqsiz hujumning rus-chéchin urushi waqitliq toxtighandin buyan kafkaziyede körülgen yene bir qétimliq kichik tiptiki herbiy toqunush ikenlikini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.