Chén chüen'go muqimliq üchün téximu qattiq basturush arqiliq 19-qurultayni kütüwélishni tekitligen

2016-Yili awghustta chén chu'en'go tibet aptonom rayonidin Uyghurlar diyarigha yéngidin partiye sékrétari bolup yötkilip kelgendin buyan ijra boluwatqan bir qatar siyasetlerning buningdin kéyin téximu qattiq qolluq bilen ijra bolushi heqqide texminler otturigha chiqishqa bashlidi.

Xitay hökümitining kaniyi bolghan "Xelq géziti" ning 18-séntebir sanigha Uyghur aptonom rayoni partkom sékrétari chén chu'en'goning "Shinjangning ijtima'iy muqimliqi we ebediy eminlikini algha süreyli" mawzuluq maqalisi bésilghan. Maqalida u xitay kompartiyesining Uyghurlar diyari heqqidiki tüp istratégiyesi bolghan "Muqimliq we eminlik" ni qet'iy we téximu bejanidilliq bilen ijra qilish, "Üch xil küch" lerge qattiq zerbe bérish arqiliq nöwettiki "Xelq urushi" ning bir basquchluq ghelibisini qolgha keltürüsh, shu arqiliq xitay kompartiyesining öktebir éyida échilmaqchi bolghan 19-qurultiyini kütüwélish heqqide ipade bildürgen.

Melum bolushiche, xitayning ilgiri Uyghur diyarigha teyinligen partkom sékrétarliridin wang léchüen, jang chunshen qatarliqlar xitay kompartiyesi merkiziy komitétining 25 kishidin terkib tapqan siyasiy byurosining ezasi bolghan idi. Emma chén chu'en'go hazirghiche siyasiy byuroning ezasi emes bolup, alaqidar mutexessisler "Chén chu'en'go mushu xildiki basturush tedbirliri arqiliq béyjingdikilerning memnunluqini, shu arqiliq 19-qurultayda siyasiy byoroning ezasi bolushni tama qilmaqta" dep qarimaqta.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar