Чәт әл сода-санаәт вәкиллири өмики уйғур райониға зиярәткә кәлгән

Мухбиримиз җәвлан
2022.07.06
Share on WhatsApp
Share on WhatsApp

“шинҗаң гезити” хитайчә ториниң хәвәр беришичә, 5-июл күни чәт әл сода-санаәт вәкилллири өмики уйғур райониға зиярәткә кәлгән. Уйғур аптоном районлуқ парткомниң секритари ма шиңрүй, уйғур аптоном райониниң рәиси әркин тунияз қатарлиқлар уларни күтүвалған.

Ма шиңрүй бу өмәк әзалириға “шинҗаңниң җәмийәт вә иқтисадий тәрәққият әһвали” ни тонуштурғандин башқа, бу йәрдики хәлқниң диний етиқад әркинлики вә кишилик һоқуқиға һөрмәт қилғанлиқи вә уни қоғдиғанлиқи һәққидә давраң салған.

Өмәк башлиқи, түркийә-хитай сода ишлирини илгири сүрүш вә достлуқ җәмийитиниң рәиси аднан ақфират, асия йипәк йоли гуруһиниң лидери пер милошенкоф вә малайсия, танзанийә, мексика, сурийә, ливан, кенийә, италийә қатарлиқ дөләтләрдин келип хитай билән достлуқ орнатқан ширкәт мәсуллири хитай әмәлдарлириниң қизғин күтүвалғинидин тәсирлинип, “шинҗаңниң муқим, иқтисадиниң гүлләнгән, хәлқиниң баяшат” икәнликини махташқан, андин “америка вә ғәрб сиясийонлири тоқуған ялғанларниң бимәнилик” икәнликини, уларниң хитайдики мувәппәқийәтни көрәлмәйдиғанлиқини яки хитайға күлрәң көзәйнәк билән қарайдиғанлиқини билдүрүшкән.

Хитай коммунист һөкүмити әзәлдин растни йошуруп, ялғанни көптүрүшкә маһир болуп, пул хәҗләп образ тикләшкә алаһидә әһмийәт берип кәлгән. Америка хәлқара диний әркинлик комитетиниң рәиси нури түркәл әпәнди “дуняда кәмситишкә вә зиянкәшликкә учраватқан мусулманлар йиғини” да хитайниң икки нәрсидин, йәни инавитини йоқитип қоюш вә иқтисадидин айрилип қелиштин әң қорқидиғанлиқини оттуриға қойғаниди. Хитайниң өзигә йеқин дөләтләрдики ширкәт хоҗайинлирини тәклип қилишиму бир җәһәттин инавәткә, бир җәһәттин мәнпәәткә еришиш ғәризини көрсәткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.