Әл җәзирә хитайниң уйғурларни чошқа беқиш вә чошқа гөши йейишкә мәҗбурлаватқанлиқини хәвәр қилди

2020-12-04
Share

Қатардики әл җәзирә телевизийәси 4-декабир күни хитайниң уйғур елидә чоң көләмлик чошқа фермилирини қуруп, уйғур мусулманлирини чошқа беқишқа вә чошқа гөши йейишкә мәҗбурлаватқанлиқини хәвәр қилди. Әл җәзирәниң хәвиридә германийәлик уйғуршунас адриян зензниң сөзи нәқил кәлтүрүлүп, уйғур елидә йеза игилик тәрәққиятиниң "динсизлаштуруш" ниң бирқисмиға айланғанлиқи, уйғур елидә чошқа бақмичилиқини илгири сүрүш вә кеңәйтиш үчүн актип тиришчанлиқ көрситиливатқанлиқи тәкитләнгән.

Хәвәрдә уйғур аптоном райониниң рәиси шөһрәт закирниң 2019-йили 11-айда аптоном районини "чошқа бақмичилиқ базиси" ға айландуримиз, дегәнлики, лекин уйғурларниң буни турмуш усулимизға хилаплиқ, дәп қараватқанлиқи тәкитләнгән. Хәвәрдә йәнә аһалисиниң 90 % ни мусулманлар тәшкил қилидиған қәшқәр кона шәһәр наһийәсидики 25 миң квадрат метирлиқ бир орунға чошқа фермиси қурулғанлиқи, фермида йилиға 40 миң чошқа беқилидиғанлиқи, ферма қуруш келишминиң бу йил 23-апрел йәни дәл рамизанниң 1-күни имзаланғанлиқи билдүрүлгән.

Хәвәрдә тәкитлинишичә, адриян зенз бу қурулушни "шинҗаң хәлқиниң мәдәнийити вә диний етиқадини пүтүнләй йоқитишқа урунуш һәрикитиниң бир қисми" дегән. Униң билдүрүшичә, бу пилан "диндин хали қилиш истратегийәсиниң бир парчиси болуп, уйғурларни диндин хали қилиш, уларни коммунистик партийәгә әгишишкә, яки динсиз болушқа йетәкләшниң бир қисми" икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт