CNN: «Бир ғәрб истихбарат әмәлдари корла пойиз истансисида тартилған син көрүнишиниң растлиқини дәлиллиигән»

Мухбиримиз әркин
2019-10-07
Елхәт
Пикир
Share
Принт

Йеқинда чәтәлдики иҗтимаий таратқуларда кәң тарқалған корла пойиз истансидики уйғур тутқунлириниң син көрүнүши хәлқарада давамлиқ ғулғула қозғимақта.

Америкадики симлиқ хәвәрләр тори CNN -мәзкур син көрүнүши һәққидә хәвәр берип, бир ғәрб истихбарат әмәлдариниң мәзкур син көрүнишиниң растлиқини дәлиллигәнликини билдүргән. Хәвәрдә бу көрүнүшниң адәмни шүркәндүргүдәк бир мәнзирә икәнлики тәкитләнгән.

Йеқинда чәтәлдики иҗтимаий таратқуларда тәхминән 600-700 нәпәрдәк көзи қара латида бағлинип, пут-қоли кишәнләнгән уйғур мәһбуслириниң корла пойиз истансисиниң ғәрбий вогзалида башқа җайға елип меңилған бир син көрүнүши тарқалған. Қоралиқ сақчиларниң қаттиқ назарити астидики мәһбусларниң дүмбисигә «қәшқәр қамақханиси» дигән хәт йезилған.

Көзәткүчиләр мәзкур син көрүнүши уйғур райондики һазирқи бастурушниң еғирлиқ дәриҗиси вә шиддитини, тутқунлар учравтақан муамилини ипадиләйдиғанлиқини билдүргән иди.  CNNНиң хәвәридә қәйт қилинишичә, CNN хитай ташқий ишлар министирлиқи әмәлдарлириниң мәзкур син көрүнүшигә болған инкасини қайта-қайта сориған болсиму, лекин җавап алалмиған. Уларниң CNN гә йоллиған баянатида пәқәт «шинҗаңдики җинайи қилмишларни бастуруш һәркитиниң милләт вә дин билән һечқандақ алақиси йоқ. Әдлийә тармақлириниң мәһбусларни йөткиши нормал әдлийә паалийитидур» дә көрситилгән. Лекин CNN ниң хәвиридә қәйт қилишичә, уларға мәзкур син көрүнүши һәққидә тохтилип, униң растлиқини билдүргән.

Юқириқи ғәрб истихбарат әмәлдари «хитай бу қилмиши үчүн сораққа тартилиши керәк. Нурғун дөләтләр хитайниң уйғур кимликини йоқитишқа уруниватқанлиқини чүшәнмәй туруп, уни кишилик һоқуқ мәсилисидә қоллимақта,» дегән. Мәзкур видейониң растлиқи өткән айда австралийә истиратегийәлик сиясәт иниститутиниң тәтқиқатчиси натан вусер тәрипидин дәлилләнгән иди.

Пикирләр (0)
Share
Толуқ бәт