Далай лама мөтидил йолниң чоқум ғәлибә қилишиға ишинидиғанлиқини баян қилди

Җүмә күни һиндистанниң салугара дегән җайида 20 миңдин артуқ мухлисиға сөз қилған тибәт диний даһийси далай лама, тибәт мәсилисини һәл қилишта өзи тәшәббус қилған мөтидил йолниң чоқум ғәлибә қилишиға ишинидиғанлиқини баян қилди.

У бу нуқтида хитайда зор өзгиришләрниң болуватқанлиқини, җүмлидин раст гәп қилалайдиғанларниң көпийиватқанлиқини һәм хитайлар арисида мөтидил йолни қоллиғучиларниң көпийиватқанлиқини тилға елип “мән һәр икки тәрәпкә пайдилиқ болған бу йолниң ғәлибә қилишиға 100% ишинимән” дегән.

Сүргүндики тибәтликләрниң бир қисми, болупму яш паалийәтчиләр, хитай һөкүмитиниң тәбиити вә әнәнисини нәзәрдә тутуп, тибәт азадлиқ һәрикитиниң пәқәт радикал тәдбирләр арқилиқла вуҗудқа чиқидиғанлиқини илгири сүрүшкән; далай лама болса, мәсилини хитай тәрәп билән диалог йоли билән һәл қилишни тәшәббус қилип кәлгән.

Далай лама бу қетимқи сөзидә йәнә, өзини тибәт хәлқиниң йетәкчиси яки буйруқчиси дәп қаримайдиғанлиқини, пәқәт тибәт хәлқиниң вәкили дәп тонуйдиғанлиқини вә тибәт хәлқи немини халиса хәлқара җамаәткә шуни йәткүзүш мәсулийити барлиқини әскәрткән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар