Җу вейчүн 14 - далай ламаниң далай ламалиққа хатимә бериш һоқуқи йоқ, деди

Мухбиримиз әркин
2014-12-19
Share


Хитай хәлқ қурултийи миллий - диний ишлар комитетиниң башлиқи җу вейчүн, далай ламаниң далай ламалиққа варислиқ қилиш әнәнисини бикар қилиш һоқуқи йоқлуқини билдүргән. Тибәт роһаний даһийси 14 - далай лама йеқинда өзиниң ахирқи далай лама болуп қалидиғанлиқи, өзидин кейин лама динидики варислиқ әнәнисигә хатимә берилидиғанлиқини илгири сүргән.

Лекин, униң сөзи изчил динсизлиқни тәрғиб қилип келиватқан хитай даирилириниң наразилиқини қозғиди.

Җу вейчүн җүмә хитайниң "йәр шари вақти гезити" гә қилған сөзидә, "далай ламалиққа варислиқ қилиш сақлап қилинамду, әмәлдин қалдуруламду, буни пәқәт мәркизи һөкүмәт қарар қилиду. 14 - Далай ламаниң дегини ахирқи қарар һесабланмайду" дегән.

Хитай һөкүмити 2000 - йилдин буян далай ламаниң вәкиллири билән 10 қетимдәк сөһбәт елип барди. Җу вейчүн бурун мәркизи комитет бирликсәп бөлүминиң башлиқи сүпитидә бу сөһбәткә қатнашқан.

Бирақ, сөһбәтниң һечқандақ нәтиҗиси болмиған. Җу вейчүн өзиниң тибәт мәсилисидики қаттиқ қол мәйдани билән тонушлуқ. У, бу йил 2 - айда елан қилған бир мақалисидә, вақит бизниң тәрипимиздә, ғәрб ахири җуңгониң тибәт вә уйғур мәсилисидики позитсийисини қобул қилиду, дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт