Америка дөләт мәҗлис әзалири "уйғур кишилик һоқуқ қанун лайиһәси" ниң мақуллинидиғанлиқини мөлчәрлимәктикән

Мухбиримиз ирадә
2020-01-09
Share

"ню-йорк вақти гезити" ниң бу һәқтики хәвиригә қариғанда, 8-январ чаршәнбә күни америка дөләт мәҗлисиниң җумһурийәтчиләр вә демократчилар партийәлиридин болған әзалири "уйғур кишилик һоқуқ қанун лайиһәси" ниң өзгәртилгән нусхисида келишидиғанлиқини билдүргән.

Кеңәш палата әзаси марко рубийо вә авам палата әзаси җәймис макговрн мухбирларға қилған сөзидә келиштүргүчиләрниң бу қанунниң йәниму қаттиқ тәләп-тәдбирләрни өз ичигә алған нусхиси үстидә ишлигәнликини, авазға қоюлған тәқдирдә авам палатадики һәр икки партийәдин болған вәкилләрниң уни қоллайдиғанлиқини вә кеңәш палатадинму өтүшини үмид қилидиғанлиқини билдүргән.

"уйғур кишилик һоқуқ қанун лайиһәси" америка авам палатасида мақуллинип, җумһурийәтчиләр көп санлиқни игиләйдиған кеңәш палатасиниң мақуллишиға сунулған мәзгилдә хизмәт тәртипи сәвәблик 12‏-ай ичидә авазға қоюлмай, 2020-йилиға қалған иди.

Марко рубийо йеқинда америка CBS қанилиниң программисиға қатнашқандиму "уйғур кишилик һоқуқ қанун лайиһәси" ниң америка дөләт мәҗлисидә тезлик билән мақуллинишини үмид қилидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт