ئامېرىكا دۆلەت مەجلىسىدە «ئۇيغۇر قوللاش گورۇپپىسى» قۇرۇلدى

مۇخبىرىمىز نۇرئىمان
2021-07-29
Share

«ئاكسىيوس» (Axios) تورىنىڭ 29-ئىيۇل بەرگەن خەۋىرىگە قارىغاندا ئامېرىكا دۆلەت مەجلىسى ئەزالىرى خىتاي كومپارتىيەسىنڭ ئۇيغۇرلارغا قارىتىلغان كىشىلىك ھوقۇق دەپسەندىچىلىكى يۈرگۈزۈشتىكى مەسئۇلىيىتىنى سۈرۈشتۈرۈش ئۈچۈن ئامېرىكا دۆلەت مەجلىسىدە «ئامېرىكا دۆلەت مەجلىسى ئۇيغۇر قوللاش گورۇپپىسى» (Uyghur Caucus) تەشكىللىگەن.

ئۇيغۇر ھەرىكىتى تەشكىلاتىنىڭ بۇ ھەقتە بەرگەن باياناتىغا قارىغاندا ئامېرىكا دۆلەت مەجلىسىدىكى مەزكۇر «ئامېرىكا دۆلەت مەجلىسى ئۇيغۇر قوللاش گورۇپپىسى» ئۇيغۇر ھەرىكىتى تەشكىلاتىنىڭ تەشەببۇسى قىلىشى بىلەن مەجلىس ئەزالىرىدىن توم سۇوزى ۋە كىرىستوفېر سىمىس تەرىپىدىن قۇرۇلغان.

توم سۇوزى ئۆزىنىڭ ئىجتىمائىي تاراتقۇ بېتىدە مەزكۇر گورۇپپا ھەققىدە مۇنداق دەپ يازغان: «تۈنۈگۈن مەن خىتاي كومپارتىيەسى سادىر قىلغان 21-ئەسىردىكى ئەڭ چوڭ كىشىلىك ھوقۇقنى دەپسەندىچىلىكىنى ھەل قىلىش ئۈچۈن، پارتىيە ھالقىغان ‹ئامېرىكا دۆلەت مەجلىسى ئۇيغۇر قوللاش گورۇپپىسى› قۇرۇشقا ياردەم قىلدىم».

توم سۇوزى «ئاكسىيوس» تورىنىڭ زىيارىتىنى قوبۇل قىلغاندا مۇنداق دېگەن: «خىتايدىن كەلتۈرۈلگەن مەجبۇرىي ئەمگەك بىلەن ئىشلەپچىقىرىلغان مەھسۇلاتلار ئەرزان. شۇڭا كىشىلەر: ‹ۋاي خۇدايىم، ئەگەر بىز شىنجاڭ بىلەن سودا قىلمىساق، مەھسۇلاتنىڭ تەننەرخى ئۆرلەيدۇ›دېيىشىدۇ. بۇ بەك ئىچىنارلىق ئىنكاس. بۇ ھەممەيلەننىڭ ۋىجدانىنى ئويغىتىشى كېرەك».

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت