Америка дөләт мәҗлисидә "уйғур қоллаш горупписи" қурулди

Мухбиримиз нуриман
2021-07-29
Share

"аксийос" (Axios) ториниң 29-июл бәргән хәвиригә қариғанда америка дөләт мәҗлиси әзалири хитай компартийәсинң уйғурларға қаритилған кишилик һоқуқ дәпсәндичилики йүргүзүштики мәсулийитини сүрүштүрүш үчүн америка дөләт мәҗлисидә "америка дөләт мәҗлиси уйғур қоллаш горупписи" (Uyghur Caucus) тәшкиллигән.

Уйғур һәрикити тәшкилатиниң бу һәқтә бәргән баянатиға қариғанда америка дөләт мәҗлисидики мәзкур "америка дөләт мәҗлиси уйғур қоллаш горупписи" уйғур һәрикити тәшкилатиниң тәшәббуси қилиши билән мәҗлис әзалиридин том суози вә киристофер симис тәрипидин қурулған.

Том суози өзиниң иҗтимаий таратқу бетидә мәзкур горуппа һәққидә мундақ дәп язған: "түнүгүн мән хитай компартийәси садир қилған 21-әсирдики әң чоң кишилик һоқуқни дәпсәндичиликини һәл қилиш үчүн, партийә һалқиған ‹америка дөләт мәҗлиси уйғур қоллаш горупписи' қурушқа ярдәм қилдим".

Том суози "аксийос" ториниң зияритини қобул қилғанда мундақ дегән: "хитайдин кәлтүрүлгән мәҗбурий әмгәк билән ишләпчиқирилған мәһсулатлар әрзан. Шуңа кишиләр: ‹вай худайим, әгәр биз шинҗаң билән сода қилмисақ, мәһсулатниң тәннәрхи өрләйду'дейишиду. Бу бәк ичинарлиқ инкас. Бу һәммәйләнниң виҗданини ойғитиши керәк".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт