Филиппин президентиниң хитайға йеқинлишиши америкиниң диққитини қозғимақтикән

Мухбиримиз қутлан
2016-10-17
Share

Филиппин президенти родриго дутерте 18-өктәбирдин башлап хитайдики 4 күнлүк дөләт зияритигә тәйярланған болуп, хитай таратқулири униң сөзлиридин нәқил кәлтүрүп, “филиппин узақ мәзгиллик иттипақдиши америкидин айрилип, хитай билән бирләшмә һәрбий маневир елип беришни халайду,” дегән.

Шинхва агентлиқи дутертениң хитайдики дөләт зияритини башлаштин илгири өзлириниң мәхсус зияритини қобул қилғанлиқини, униң “пәқәтла хитай бизгә ярдәм қилалайду,” дегәнликини илгири сүргән. Хоңкоңдики сумурғ телевизийисиму, “филиппин президенти дутерте хитай вә русийә билән бирликтә бирләшмә һәрбий маневир өткүзүшни халайду,” дәп хәвәр бәргән.

Бирләшмә агентлиқниң хәвәр қилишичә, дутерте филиппинниң бундин кейин америка билән болған һәрқандақ һәмкарлиқтин чекинип чиқип, хитай вә русийә билән болған һәрбий һәмкарлиқ сепигә киришни халайдиғанлиқини билдүргән.

Дутертениң филиппинни дипломатийә вә ташқи сиясәт җәһәттин дираматик бурулушқа башлап кетиватқанлиқи америкиниң диққитини қозғимақтикән. Көзәткүчиләр, әгәр филиппин растинла америка билән болған узақ мәзгиллик иттипақдашлиқтин ваз кечип хитайға майиллашса, бу америкиниң асия-тинч окяндики мәнпәәтигә сәлбий тәсир көрситиду. У һалда америкиму буниңға сүкүт қилмайду, дәп һесаблимақтикән.

Мәлумки, йеқинқи бир әсирдин буян филиппин изчил һалда америкиниң асия вә тинч окян районидики әң йеқин иттипақдиши болуп кәлгән. Уларниң арисидики қоюқ мунасивәт йеқинда америкиниң филиппин президенти дутертени уруш җинайити билән әйиблишидин кейин яманлашқан. Дутерте һәтта америка президенти обамани еғизини бузуп һақарәтлигән. У йеқинда шинхва агентлиқиниң зияритини қобул қилғанда: “хитай мени әзәлдин тәнқид қилғини йоқ, бәлки бизгә ярдәм қиливатиду,” дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт