Г20 дөләт башлиқлири йиғини хаңҗуда башланди

Мухбиримиз үмидвар
2016-09-04
Share


Г20 дөләт алий рәһбәрлири йиғини йәкшәнбә күни хитайниң хаңҗу шәһиридә рәсмий башланди. Хитай дөләт рәиси ши җинпиң йиғинда сөз қилип, хаңҗу йиғининиң дуня иқтисадиниң күчлүк, сиҗил, тәңпуң вә кәң қорсақ һалда тәрәққий қилиш йолида меңишини илгири сүрүшигә болған үмидини билдүрди. Ши җинпиңниң сөзиниң мутләқ көп қисми ортақ иқтисадий тәрәққият мәсилилиригә қаритилған.

Б б с агентлиқиниң хәвәр қилишичә, г20 дөләт гуруһи алий рәһбәрлириниң бу қетимқи хаңҗу йиғинида иқтисадий тема йәнила асаслиқ орунни игиләйдикән.

Йиғинниң биринчи күни һәр қайси дөләт рәһбәрлири өзара учришип, өзара һәмкарлиқ, район бихәтәрлики, сүрийә мәсилиси, сода, килимат вә башқа мәсилиләрдә пикир алмаштурған.

Мәлум болушичә, г 20 дөләт тәшкилатиға әза мәмликәтләрниң г д п си, йәни, омуми ишләпчиқириш қиммити, дуня г д п синиң 80%ни игилигән вә уларниң аһалиси дуня аһалисиниң үчтин икки қисмини тәшкил қилған.

Йәкшәнбә күни кәчтә ши җинпиң вә униң ханими йиғин қатнашқучи рәһбәрләргә мәхсус кәчлик зияпәт бәргән.

Г20 дөләт башлиқлири йиғини тунҗи қетим хитай тәрипидин саһибханилиқ қилинған болғачқа, хитай мәзкур йиғинға алаһидә тәйярлиқ қилип, дағдуға қилиш билән бир вақитта йәнә юқири дәриҗидә бихәтәрлик тәдбирлири қолланған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт