Америка ташқий ишлар министири блинкен: "һөкүмәтләрни барлиқ мәҗбурий ғайиб қилинғанларни қайтуруп келишкә чақиримиз"

Мухбиримиз әркин
2021-08-30
Share

Америка ташқий ишлар министири антони блинкен 30-авғуст "мәҗбури ғайип болғанлар хәлқ‍ара күни" мунасивити билән баянат елан қилип, һөкүмәтләрни барлиқ мәҗбури ғайиб қилинған кишиләрни қайтуруп келишкә, улар һәққидә учур беришкә вә бу хил делолар үстидин мустәқил һәм тәрәпсиз тәкшүрүш елип беришқа чақирған.

Баянатта блинкен уйғурларниң исмини тилға алмиған болсиму, бирақ у "американиң мәҗбурий ғайиб қиливетиштәк бу еғир җинайәтниң қурбанлириға, туғқанлириниң йоқлиқидин азап ‍ичидә яшаватқанларға, уларниң қәйәрдә икәнлики, шундақла уларниң тәқдири тоғрисида учур алалмай изтирап чекиватқанларниң тәрипини тутудиғанлиқи" ни билдүргән.

Чәт әл мутәхәсисслириниң пәрәз қилишичә, 2017-йили башланған чоң тутқунда аз дегәндә бир милйон 800 миң уйғур тутқун қилинип, хитайниң түрмә, лагерлирида ғайип болған. Америка һөкүмити хитайни һазирға қәдәр изчил ғайиб болған бу уйғурларни қоюп беришкә яки хәлқараниң мустәқил тәкшүрүш елип беришиға йол қоюшқа чақирип кәлгән иди.

Блинкен баянатида: "америка барлиқ мәҗбурий ғайип қиливетишләрни қаттиқ әйибләйду, һөкүмәтләрни мәҗбурий ғайибларниң қайтип келишигә қолайлиқ яритишқа, барлиқ ғайиблар тоғрисида учур бершкә, шундақла бу хил делолар үстидин мустәқил вә ашкара тәкшүрүш елип беришқа чақириду," дегән.

Блинкенниң ейтишичә, "һөкүмәтләр чоқум мәҗбурий ғайиб қиливетишкә хатимә бериши, җавабкарларниң мәсулийитини сүрүштүрүши, ғайибларниң тәқдири вә қәйәрдә икәнликини ашкарлиши керәк," икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт