Gu'angdung ölkisi térrorluqqa qarshi jiddiy haletke ötken

Muxbirimiz jüme
2015-07-11
Share


Uyghurlarning xitaygha qarshi namayish we bashqa qarshiliq heriketliri kücheygen mezgilde, xitayning gu'angdung ölkisi térrorluqqa qarshi jiddiy haletke ötken.

"Jenubiy xitay seher pochtisi" ning 10 - iyul xewer qilishiche, mezkur xewerni bu ishtin toluq xewerdar ikki kishi ashkarilighan.

Gézitke uchur yetküzgüchi gu'angdung ölkisining bu xil jiddiy haletke ötishige gu'angdungning térrorluq hujumigha uchraydighanliqgha a'it yip uchi seweb bolghanliqini bildürgen.

Xewerde gu'angdung ölkisining bu xil jiddiy haletke ötüshige yene Uyghur élide boluwatqan toqunushlar we Uyghurlarning atalmish "Iraq sham döliti" teweside terbiyiliniwatqanliqigha a'it xewerlermu seweb bolghanliqi körsitilgen.

Da'iriler bu xil jiddiy haletni bir hepte ilgirila yolgha qoyghan iken.

Xitay hökümiti 109 neper Uyghur musapirini xitaygha mejburiy élip ketkendin kéyin, bu dunya xaraktérlik nepret qozghighan. Türkiyediki Uyghur we türkler 8 - we 9 - iyul namayish qilip, türkiyediki tayland elchixanisigha bésip kirgen we xitay elchixanisigha hujum qilghan.

Buning bilen tayland türkiyediki elchixanisini waqitliq taqighan.

Ilgiri xitay hökümiti türkiyege sayahet qilidighan puqralirigha bixeterlik agahlandurushi ewetken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet