خوڭكوڭلۇق ئوقۇغۇچىلاردا مۇستەقىللىق تەرەپدارلىرىنىڭ نىسبىتى ئارتقان

مۇخبىرىمىز ئەركىن
2015-02-27
Share


خوڭكوڭ ئۇنىۋېرسىتېتنىڭ «ئوقۇغۇچىلار ژۇرنىلى» ئېلىپ بارغان راي سىناش نەتىجىسىدىن مەلۇم بولۇشىچە، خوڭكوڭدا خىتايدىن ئايرىلىپ مۇستەقىل بولۇش پىكرىدىكى ئوقۇغۇچىلارنىڭ نىسبىتى ئارتقان. 569 نەپەر ئوقۇغۇچى ئۈستىدىن ئېلىپ بېرىلغان راي سىناشتا، 28 % ئوقۇغۇچى خوڭكوڭ مۇستەقىللىقىنى قوللىغان.

رويتېرسنىڭ خەۋەر قىلىشىچە، بۇ يىل مۇستەقىللىقنى قوللىغان ئوقۇغۇچىلار نىسبىتى ئۆتكەن يىلى ئېلىپ بېرىلغان راي سىناش نەتىجىسىدىن 15 % ئاشقان ئىكەن.

شۇنىڭ بىلەن بىرگە، «بىر دۆلەتتە ئىككى خىل تۈزۈم» نى قوللايدىغانلارنىڭ نىسبىتى ئۆتكەن يىلقىدىن ئازايغان.

2014 - يىلى ئېلىپ بېرىلغان راي سىناش نەتىجىسىدە 68 % ئوقۇغۇچى، «بىر دۆلەتتە ئىككى خىل تۈزۈپ» خوڭكوڭ ئۈچۈن ئەڭ مۇۋاپىق سىياسىي ھەل قىلىش چارىسى، دەپ قارىغان. ھالبۇكى، بۇ يىل مەزكۇر تۈزۈمنى قوللايدىغان ئوقۇغۇچىلار نىسبىتى 53 % گە چۈشكەن.

يېقىندا، خوڭكوڭ ۋالىسى لياڭ جېنيىڭ بۆلۈنۈپ چىقىش پىكرىگە قارشى تۇرىدىغانلىقىنى ئاگاھلاندۇرۇپ، خوڭكوڭ ئۇنىۋېرسىتېتى ئوقۇغۇچىلا ژۇرنىلىنى مۇستەقىللىق تەرغىباتى قىلىش بىلەن تەنقىد قىلغان ئىدى. راي سىناش بۇ يىل 24 - يانۋاردىن 5 - فېۋرالغا قەدەر ئېلىپ بېرىلغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت