Ички моңғулниң баяннур шәһиридики моңғуллар тутқун қилинған чарвичиларни қоюп беришни тәләп қилди

Мухбиримиз меһрибан
2016-05-10
Елхәт
Пикир
Share
Принт

Ички моңғулниң ғәрбий қисмидики баяннур шәһири оттура урат хошунидики моңғуллар, 9-май дүшәнбә күни намайиш қилип, 5-май күни даириләр тәрипидин тутқун қилинған 5 нәпәр моңғул чарвичини қоюп беришни тәләп қилди. Мәлум болушичә, бу бәш нәпәр чарвичи хитай ширкәтлириниң яйлақни игиливелишиға наразилиқини билдүргәнлики үчүн, сақчилар тәрипидин тутқун қилинған.

Радиомиз игилигән әһваллардин мәлум болушичә, дүшәнбә күни йүздин артуқ моңғул чарвичи, наһийилик һөкүмәт алдиға йиғилип, хитай ширкәтлириниң яйлақтики йәрләрни игиливелишиға наразилиқ билдүргән вә өткән пәйшәнбә тутқун қилинған 5 чарвичини қоюп беришни тәләп қилған.

Йеқинқи йиллардин буян хитай ширкәтлириниң ички моңғулда яйлақларни игиливелип қурған завут, канлири яйлақ муһити вә суни булғап, адәмләрниң, мал-чарвиларниң зәһәрлиниши һәтта өлүш һадисилирини пәйда қилиши моңғулларниң наразилиқ намайишлириға сәвәб болған. Өткән айда йәни 8-апрел җүмә күни ички моңғулниң туңляв шәһиридә хитай карханилириниң муһит булғишиға қарши наразилиқ намайиши йүз бәргән.

Пикирләр (0)
Share
Толуқ бәт