Уйғур елида аталмиш "икки йүзлимичи" кадирларни байқашқа алақидар чарә йолға қоюлди

Мухбиримиз ирадә
2017-12-14
Share

Игилинишичә, уйғур аптоном районлуқ даириләрниң аталмиш "икки йүзлимичи" кадирларни бир тәрәп қилишни давамлиқ күчәйтмәкчи болуватқанлиқи мәлум болмақта.

Бүгүн "тәңритағ тори" да берилгән хәвәрдин мәлум болушичә, уйғур аптоном районлуқ партком йеқинда партийә әзалири вә кадирларниң сиясий мәйданини көзитишни күчәйтиш үчүн ‹‹шинҗаң уйғур аптоном районлуқ комитетиниң көзитиш хизмитини йолға қоюш чариси'' гә түзитиш киргүзүп, униңға төвәндики мәзмунларни қошқан:

"шинҗаңниң әмәлийитигә бирләштүрүлүп, бөлгүнчиликкә қарши туруш күриши, интизамиға хилап қилмишларни назарәт қилип тәкшүрүш, . . . Миллий бөлгүнчиликкә қарши туруш қатарлиқ чоң һәқ-чоң наһәқ мәсилилиридә мәйданидин тәвриниш, позитсийәдә суслуқ қилиш, һәтта дүшмән күчләр билән тил бириктүрүп, ‹икки йүзлимичилик' қилиш, ‹икки йүзлимичи' болуш қатарлиқ мәсилиләрни тиришип байқаш."

Уйғур аптоном район даирилири өткән йилдин бери уйғур елидә болупму асасий қатламда аталмиш "икки йүзлимичи" ләрни тазилаш күриши елип берип, нурғун уйғур кадирларни җазалиған, бәзилирини һәтта әдлийә орунлириға тапшуруп бәргән. Радийомиз игилигән учурларда һәрқайси вилайәт вә шәһәрләрдә шиддәт билән кеңәйтиливатқан "тәрбийәләш мәркәзлири" гә йиғивелинған уйғур кадирларниң мутләқ көп қисминиң охшаш болмиған дәриҗидә "икки йүзлимичилик" қилмишиға четилип қалғанлиқтин тәрбийилиниватқанлар икәнлики айдиңлашқан иди.

"икки йүзлимичилик" кә қарши туруш долқуни уйғур кадирларни қаттиқ вәһимигә селиватқан бир пәйттә, даириләрниң бу хизмәтни давамлиқ бошаштурмай елип беришни тәкитлиши, чәтәлләрдики уйғур кишилик һоқуқ паалийәтчилириниң наразилиқини қозғиди. Улар, уйғурлар учраватқан сиясий бесимларниң мисли көрүлүп бақмиған дәриҗидә күчийип бериватқанлиқини тәкитлимәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт