Иран президенти һасан роһаний ядро келишимигә әмәл қилидиғанлиқини билдүрди

Мухбиримиз әркин
2015-04-03
Share


Иран презоденти һасан роһани җүмә күни телевизийә нутуқи сөзләп, иранниң америка, әнгилийә, франсийә, германийә, хитай вә русийә оттурисида имзаланған ядро келишимигә әмәл қилидиғанлиқини билдүрди. Униң көрситишичә, мәзкур келишим иранниң дуня билән йеңи мунасивәт қурушиниң башлиниш нуқтиси икән.

У, пәқәт 6 дөләт келишимгә әмәл қилсила, иран униңға әмәл қилишқа капаләтлик қилиду......... Дуня иранниң алдамчилиқ қилмайдиғанлиқини билсун, дегән. Түнүгүн, америка президенти барак обама ақсарайда өткүзгән ахбарат елан қилиш йиғинида шветсарийәниң лозан шәһиридә имзаланған мәзкур келишимгә иҗабий баһа берип, келишим «тарихий әһмийәткә игә» дәп көрсәткән иди.

Иран билән болған келишим америкиниң оттура шәрқтики әң йеқин иттипақдеши исраилийәни биарам қилған. Исраилийә баш министири нетанияху, бу келишим ядро қораллириниң кеңийишигә йол ечип беридиғанлиқини, исраилийәниң мәвҗүтлуқиға зор тәһдит елип келидиғанлиқини агаһландурған.

Бирақ, явропа иттипақи ташқи ишлар комисари федирика муғәринниң көрситишичә, бу келишим арқилиқ иранниң қоюқ уран пишшиқлап ишләпчиқириш иқтидариға вә сақлишиға чәклимә қоюлған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.