Николас кристоф: "ирқий қирғинчилиқ, дәп қоюп һечнемә қилмисақ болмайду"

Мухбиримиз әркин
2021-06-14
Share

"ню-йорк вақти" гезитиниң атақлиқ обзорчиси николас кристоф 12-июн мәзкур гезиттә мақалә елан қилип, хитайниң уйғурларға "ирқий қирғинчилиқ" қиливатқанлиқини елан қилип қоюп, һечнемә қилмаслиққа болмайдиғанлиқини билдүргән. Униң ейтишичә, келәр йилқи бейҗиң "ирқий қирғинчилиқ олимпики" ни қисмән байқут қилиш шундақла шинҗаңда ишләпчиқирилған мәһсулатларни чәкләш йетәрлик вә рази қиларлиқ болмисиму, бирақ һечнемә қилмаслиқтин яхширақ икән.

Николас кристоф "бир аялниң хитайниң вәһшийликидә ‍өткән кәчмишлири" мавзулуқ мақалисидә, өзиниң исмини нәнси, дәп ‍атиған бир уйғур аял вә униң аилә әзалириниң хитай даирилири тәрипидин тутқун қилинип, бәзи аилә әзалириниң һазирғичә из дерикиниң болмаслиқидәк трагедийәлик кәчмиши арқилиқ уйғурларниң нөвәттики вәзийитини йорутуп бәргән.

У хитайниң бир милйон уйғурни лагерларға қамиши диққәт қозғап, уйғурларниң туғулуши системилиқ азайтишқа учриши һазирғичә бәк диққәт қозғимай кәлгәнлики, һалбуки уйғур нопуси хитай әмәлдарлириниң нишаниға айланғанлиқини билдүргән.

Николас кристофниң тәкитлишичә, бейҗиң "ирқий қирғинчилиқ олимпики" ни қисмән байқут қилиш шундақла шинҗаңда ишләпчиқирилған мәһсулатларни чәкләш йетәрлик вә рази қиларлиқ болмисиму шундақла бу ши җинпиңни йөткийәлмисиму, бирақ хитайниң уйғурларға "ирқий қирғинчилиқ" қиливатқанлиқини елан қилип қоюп, мүрини чирип турушқа вә һечнемә қилмаслиққа болмайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт