Җәнубий америка баптистлар җәмийити уйғурлар учраватқан ирқий қирғинчилиқни әйблигән

"бүгүнки хиристиянлар" ториниң 28-июн хәвәр қилишичә, җәнубий америка баптистлар җәмийити (SBC) рим папаси франсис билән бирликтә бир қарар мақуллап, уйғурлар учраватқан зиянкәшликини "ирқий қирғинчилиқ" дәп бекиткән.

Мәзкур җәмийәтниң 15 миң вәкили вә әлчилири "уйғур ирқий қирғинчилиқи" һәққидә сунулған 8-номурлуқ қарарда орун алған кишилик һоқуқ доклатлири вә испатларни әтраплиқ музакирә қилип, хитайниң җинайитиниң һәқиқәтәнму ирқий қирғинчилиқ икәнликидә бирликкә кәлгән.

Җәнубий америка баптистлар җәмийити илаһийәт институтиниң доктори грифин галиҗ бу қарар лайиһәсини тәйярлиғучи болуп, у өзиниң тивиттер һесабида мундақ дәп язған: "хитай һазирқи заман тарихидики әң еғир кишилик һоқуқ дәпсәндичилики җинайитини садир қилди. Дунядики нурғун инсанлар хитайдин иқтисадий мәнпәәт алғачқа униңға һечнемә дейәлмәйватиду".

Җәнубий америка баптистлар җәмийити бу қарарнамидә хитайни биваситә тилға елип: "хитай һөкүмити уйғурларға йүргүзүп келиватқан ирқий қирғинчилиқини дәрһал тохтитип, уларниң тәңри бәргән һоқуқини әслигә кәлтүрүши, уларни кәң көләмлик қамаш, қийнаш қилмишлирини аяғлаштуруши керәк," дәп чақириқ қилған.

Җәнубий америка баптистлар җәмийити 1845-йили қурулған болуп, америкадики әң чоң протестант дини, шундақла иккинчи чоң хиристиян дини мәзһипи һесаблинидикән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар