Хотәндә ешәк беқип бай болуш тәшвиқ қилинған

10-Феврал хитай шинхуа тори хотән гума наһийәси қоштағ базирида қурулған "бақмичилиқни гүлләндүрүш копиратипи" бниң мәсули ғулам туниязниң ешәк беқип бай болуштәк иш-излирини сүрәтлик хәвәр қилип тонуштурған.

Хәвәрдә ейтилишичә, ғулам тунияз бир қанчә йил илгири ешәк сүтиниң иқтисадий қиммитини байқап, заманиви усулда ешәк беқишни өгәнгән вә узақ өтмәй "бақмичилиқни гүлләндүрүш копиратипи" намида ешәк фермиси қуруп, ешәк беқишни башлиған. Һазир бу фермида 30 нәччә ешәк беқиливатқан болуп, көплигән деһқанлар бу фермиға ешәклирини "пай" қилип қошуп бәргән.

Көзәткүчиләрниң билдүрүшичә, уйғур мусулманлири көп җайлашқан вә етиқад вә әнәнә бир қәдәр күчлүк болған хотәндә бундақ фермиларниң пәйда болуши ғәлитә әһвалдур. Уйғурларда "ешәкниң күчи һалал, гөши һарам" дәп қарилиду, гөши һарам болғаникән, әлвәттә униң сүтиму һалал дәп қаралмайду. Тевипларму кесәл давалашта ешәк сүтиниң орниға төгә сүти ичишни тәвсийә қилиду. Хитайниң уйғур районидики иқтисадий сиясити буниңға охшаш ғәйрий кәсипләрни давамлиқ пәйда қилмақта һәм тәрәққий қилдурмақта. Хитай һөкүмитиниң тәшвиқати билән бүгүн уйғурлар ешәк баққан болса, әтә чошқа беқиши, бүгүн ешәктин сүт алған болса, кәлгүсидә ешәк гөши тәминләйдиған фермиларни қуруши мумкин икән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар